തിരുവനന്തപുരം: സംസ്ഥാന സർക്കാരിന്‍റെ ഈ വർഷത്തെ വിഷു ബംപർ (ബിആർ 103) ഭാഗ്യക്കുറി വിപണിയിലെത്തി. 12 കോടി രൂപയാണ് ഇത്തവണത്തെ ഒന്നാം സമ്മാനം.
ആറ് സീരിസുകളിലായി വിൽപ്പനയ്ക്കെത്തിയ വിഷു ബംപറിന്‍റെ രണ്ടാം സമ്മാനം ഒരു കോടി രൂപ വീതം ആറു സീരീസുകളിലും നൽകും. മൂന്ന്, നാല് സമ്മാനങ്ങളും ഇതേപ്രകാരം യഥാക്രമം 10 ലക്ഷം, അഞ്ച് ലക്ഷം എന്ന ക്രമത്തിലും ലഭിക്കും. ടിക്കറ്റൊന്നിന് 300 രൂപ വിലയുള്ള വിഷു ബംപറിൽ 5000 മുതൽ 300 രൂപയിൽ അവസാനിക്കുന്ന ചെറിയ സമ്മാനങ്ങളുമുണ്ട്. മേയ് 28ന് ഉച്ചയ്ക്ക് ശേഷം രണ്ടു മണിക്കാണ് നറുക്കെടുപ്പ്.