തിരുവനന്തപുരം: തലസ്ഥാനത്തിന്‍റെ മലയോരമേഖലയിൽ കഴിഞ്ഞ ദിവസങ്ങളിൽ വൈകുന്നേരങ്ങളിലുണ്ടായ കനത്ത കാറ്റിലും മഴയിലും വൻ നാശനഷ്ടം. തൊളിക്കോട് ഗ്രാമ പഞ്ചായത്ത് വെള്ളക്കരിക്കകം സെറ്റിൽമെന്‍റ് ഏരിയയിലെ ചെട്ടിയാൻപാറ, കളിയാറംകോട് വാർഡുകളിൽ കഴിഞ്ഞ ദിവസം അപ്രതീക്ഷിതമായി ഉണ്ടായ ശക്തമായ കാറ്റിൽ കനത്ത നാശനഷ്ടമാണ് റിപ്പോർട്ട് ചെയ്തത്. കനത്ത കാറ്റിൽ മരം വീണ് കാട്ടുവഴികൾ അറഞ്ഞു. ആദിവാസി ഊരു നിവാസികൾ ഒറ്റപ്പെട്ട അവസ്ഥയിലായി. പ്രദേശത്തായി ഏതാണ്ട് 500 ഓളം മരങ്ങൾ കടപുഴകി വീണതായാണ് വിവരം.