പാലാരിവട്ടം പാലം അഴിമതിക്കേസിൽ അറസ്റ്റിലായ മുന്‍മന്ത്രി വി.കെ. ഇബ്രാഹിം കുഞ്ഞിന്‍റെ ജാമ്യപേക്ഷ കോടതി ഇന്ന് പരിഗണിക്കും. മൂവാറ്റുപുഴ വിജിലന്‍സ് കോടതിയാണ് അപേക്ഷ പരിഗണിക്കുന്നത്.
ഇബ്രാഹിം കുഞ്ഞിന്‍റെ ശാരീരിക-മാനസിക ആരോഗ്യനില സംബന്ധിച്ച റിപ്പോര്‍ട്ട് പ്രത്യേക മെഡിക്കല്‍ സംഘം ഇന്ന് കോടതിയില്‍ സമര്‍പ്പിക്കും. ഇതിന്‍റെ അടിസ്ഥാനത്തിലാണ് അപേക്ഷയില്‍ കോടതി തീരുമാനമെടുക്കുന്നത്.
അതേസമയം, ഇബ്രാഹിംകുഞ്ഞിനെ കസ്റ്റയില്‍ വേണമെന്ന ഹര്‍ജിയും കോടതി ഇന്ന് പരിഗണിക്കും. നിലവില്‍ ജുഡീഷ്യല്‍ കസ്റ്റഡിയില്‍ കൊച്ചിയിലെ സ്വകാര്യ ആശുപത്രിയില്‍ ചികിത്സയിലാണ് ഇബ്രാഹിംകുഞ്ഞ്.
