തമിഴ്നാട്ടിലെ റേഷൻ കാർഡ് ഉടമകൾക്ക് പൊങ്കൽ സമ്മാനമായി 2500 രൂപ വീതം നൽകുമെന്ന് മുഖ്യമന്ത്രി കെ പളനിസ്വാമി.
2021 ൽ നടക്കാനിരിക്കുന്ന നിയമസഭാ തിരഞ്ഞെടുപ്പിന്റെ പ്രചാരണത്തിന് എടപ്പാടി മണ്ഡലത്തിൽ തുടക്കം കുറിച്ചതിന് പിന്നാലെയാണ് അദ്ദേഹം പ്രഖ്യാപനം നടത്തിയത്.
2021 ജനുവരി നാല് മുതൽ തുക വിതരണം ചെയ്തു തുടങ്ങുമെന്ന് തമിഴ്നാട് മുഖ്യമന്ത്രി പറഞ്ഞു.
വിളവെടുപ്പ് ഉത്സവമായ പൊങ്കൽ ആഘോഷിക്കാനാണ് തുക നൽകുമെന്നതെന്നും അദ്ദേഹം വ്യക്തമാക്കി.
സംസ്ഥാനത്തെ 2.6 കോടി അരി കാർഡ് ഉടമകൾക്ക് പൊങ്കൽ പാക്കേജിന്റെ പ്രയോജനം ലഭിക്കും. പൊങ്കൽ ഉത്സവത്തിന് മുമ്പ് തുക വിതരണം ചെയ്യും.
ജനുവരി 14 നാണ് പൊങ്കൽ. കഴിഞ്ഞ വർഷം 1000 രൂപയാണ് നൽകിയത്.