ഗുരുവായൂർ: കോവിഡ് രോഗ വ്യാപനം കൂടിവരുന്ന സാഹചര്യത്തിൽ 6-12-2020 മുതൽ ഇനി ഒരറിയിപ്പ് വരെ ഗുരുവായൂര ക്ഷേത്രദർശനത്തിനു വരുന്നവരെ നാലമ്പലത്തിൽ പ്രവേശിപ്പിക്കേണ്ടതില്ലെന്ന് ദേവസ്വം ഭരണസമിതി തീരുമാനിച്ചു.
30-11-2020 വരെ നിലവിലുണ്ടായിരുന്ന രീതിയിൽ കിഴക്കേ നടയിൽ കൊടിമരത്തിനു സമീപത്തുനിന്ന് ദർശനം നടത്താം.
വെർച്വൽ ക്യൂ വഴി പ്രതിദിനം ദർശനത്തിന് നൽകുന്ന പാസ്സുകളുടെ എണ്ണം 2000 ആയി നിജപ്പെടുത്താനും തീരുമാനിച്ചു.
വിവാഹങ്ങൾക്കും, തുലാഭാരം വഴിപാടിനും ശ്രീകോവിൽ നെയ് വിളക്കു പ്രകാരമുള്ള പ്രത്യേക ദർശനത്തിനും പ്രാദേശികക്കാർക്കും നാലമ്പലപ്രവേശനം ഒഴികെ നിലവിലുള്ള സൗകര്യങ്ങൾ തുടരും.
കോവിഡ് മാനദണ്ഡങ്ങൾ കർശനമായി പാലിച്ചായിരിയ്ക്കും ഈ ക്രമീകരണങ്ങൾ നടപ്പിലാക്കുകയെന്ന് ഗുരുവായൂർ ദേവസ്വം ചെയർമാൻ കെ.ബി.മോഹൻദാസ് അറിയിച്ചു.