രണ്ട് പൊലീസുകാരെ തട്ടിക്കൊണ്ടു പോയി, പിന്നീട് വിട്ടയച്ചു. സംഭവം ഉത്തരേന്ത്യയിലല്ല കേരളത്തിലാണ്

'

കാസർഗോഡ് : കാസർ‌​ഗോഡ് കോസ്റ്റ് പൊലീസിലെ രണ്ട് സിവിൽ പൊലീസ് ഉദ്യോ​ഗസ്ഥരെ തട്ടിക്കൊണ്ടുപോയി വിട്ടയച്ചു. കോസ്റ്റ് പൊലീസിലെ സുബീഷ്, രഘു എന്നിവരെയാണ് തട്ടിക്കൊണ്ടുപോയത്. മംഗലാപുരത്താണ് വിട്ടയച്ചത്.

കുമ്പളയിൽ കടലിൽ ഇരുവരും പരിശോധന നടത്തുന്നതിനിടെ ഇന്നലെ ഉച്ചയോടെയാണ് സംഭവം. മം​ഗളൂരുവിൽ നിന്ന് മത്സ്യബന്ധനത്തിനായി എത്തിയ സംഘമാണ് പൊലീസ് ഉദ്യോ​ഗസ്ഥരെ തട്ടിക്കൊണ്ടുപോയത്.

സംഘം അനധികൃതമായി മത്സ്യബന്ധനം നടക്കുന്നത് ശ്രദ്ധയിൽപ്പെട്ട പൊലീസ് ഉദ്യോ​ഗസ്ഥർ ബോട്ടിലേയ്ക്ക് പ്രവേശിക്കുകയും കരയ്ക്ക് അടുപ്പിക്കണമെന്ന് നിർ​ദേശിക്കുകയും ചെയ്തു. എന്നാൽ ബോട്ടിലുണ്ടായിരുന്നവർ ഇതിന് തയ്യാറായില്ല. തുടർന്ന് ബോട്ട് മം​ഗലാപുരത്തെ ബന്ദറിലേയ്ക്ക് ഓടിച്ച് പോകുകയായിരുന്നു.