ഈരാറ്റുപേട്ട : കളത്തൂക്കടവ് ഞണ്ടുകല്ലിൽ താമസിക്കുന്ന രാജനെ കൊലപ്പെടുത്തിയ കേസിലാണ് രാജന്റെ സഹോദരൻ ജോസ് (49),ലിജോ ജോസഫ് (29), ജോസിന്റെ മകൻ പ്രായപൂർത്തിയാകാത്ത കുട്ടി കുറ്റവാളി എന്നിവർ ഈരാറ്റുപേട്ട പോലീസിന്റെ പിടിയിലായത്.
മാർച്ച് ഏഴാം തീയതി രാത്രി 12.30 മണിയോടുകൂടി ഞണ്ടുകല്ലിലുള്ള വീടിനുള്ളിൽ ആണ് രാജനെ മരിച്ച നിലയിൽ കണ്ടെത്തിയത്. അസ്വാഭാവിക മരണത്തിന് കേസെടുത്ത പോലീസ് രാജന്റെ മരണം കൊലപാതകമാണെന്ന് കണ്ടെത്തുകയായിരുന്നു.
കോട്ടയം ജില്ലാ പോലീസ് മേധാവി നിർദ്ദേശാനുസരണം പാലാ ഡിവൈഎസ്പി പ്രഫുല്ല ചന്ദ്രകുമാറാണ് അന്വേഷണത്തിന് നേതൃത്വം നൽകിയത്. മാർച്ച് 7- നു ഞായറാഴ്ച പുലർച്ചെ രാജൻ കോതമംഗലത്ത് ഉള്ള വീട്ടിൽ നിന്നും ഞണ്ടുകല്ലിലുള്ള രാജന്റെ സ്വന്തം വീട്ടിലെത്തി രാജന്റെ വീടിന്റെ അടുത്ത് ആണ് ജോസും കുടുംബവും താമസിക്കുന്നത്. അന്ന് ഉച്ചയ്ക്ക വീട്ടിലിരുന്ന് ജോസും ലിജോയും ഒരുമിച്ച് മദ്യപിക്കുകയും 2011 ൽ രാജനെയും ഭാര്യയേയും ജോസും ലിജോ ജോസഫും കൂടി വെട്ടിപ്പരിക്കേൽപ്പിച്ച കേസിന്റെ കാര്യം പറഞ്ഞ് ഉണ്ടായ തർക്കമാണ് രാത്രിയിൽ കൊലപാതകത്തിൽ കലാശിച്ച്ത്.
കാപ്പി കമ്പുകൊണ്ട് നിരവധിതവണ ഏറ്റ അടിയാണ് രാജൻ്റെ മരണത്തിനിടയാക്കിയതെന്നും പോലീസ് പറഞ്ഞു. .കുട്ടിക്കുറ്റവാളി ഉൾപ്പെടുന്ന സംഘം പ്രൊഫഷണൽ കൊലയാളികളെ പോലെയാണ് അവരുടെ ബന്ധുവായ രാജനെ കൊലപ്പെടുത്തിയത് .
പോലീസിനെ തെറ്റിദ്ധരിപ്പിക്കുന്ന തരത്തിൽ ആണ് മൂന്ന് പ്രതികളും ആദ്യം മൊഴി നൽകിയത് .തുടർന്ന് ഈരാറ്റുപേട്ട പോലീസ് ഇൻസ്പെക്ടർ എസ്‌.എം.പ്രദീപ് കുമാർ ഉൾപ്പെടുന്ന അന്വേഷണസംഘം പ്രതികളെ ഓരോരുത്തരേയും പ്രത്യേകം പ്രത്യേകം ചോദ്യം ചെയ്തതോടെ പ്രതികൾ കുറ്റം സമ്മതിക്കുകയുമായിരുന്നു . ലിജോയും,ജോസും ചേർന്ന് രാജനെ അടിക്കുവാൻ ഉപയോഗിച്ചതിനു ശേഷം ഉപേക്ഷിച്ച രക്തം പുരണ്ട വടികൾ പോലീസ് കണ്ടെടുത്തു. പ്രതികളെ ചോദ്യം ചെയ്തതിൽ നിന്നാണ് പ്രായപൂർത്തിയാകാത്ത പ്രതിയാണ് മരണപ്പെട്ട രാജനെ വളരെ ക്രൂരമായി ഉപദ്രവിച്ചതെന്ന കാര്യം പോലീസിനു അറിയാൻ കഴിഞ്ഞത് .അച്ഛൻ്റെ സഹോദരൻ ആണെങ്കിലും തന്റെ അച്ചനെതിരെ കേസ് പറഞ്ഞ രാജനോട് കുട്ടിക്കുറ്റവാളിക്ക് തോന്നിയ വൈരാഗ്യം പകയിലേക്കും പ്രതികാരത്തിലേക്കും എത്തുകയായിരുന്നു.
കോടതിയിൽ ഹാജരാക്കിയ ഒന്നും രണ്ടും പ്രതികളെ റിമാൻഡ് ചെയ്തു കുട്ടി കുറ്റവാളിയെ കോടതിയുടെ നിർദേശപ്രകാരം ദുർഗുണപരിഹാര പാഠശാലയിലേക്ക് അയച്ചു.
ഈരാറ്റുപേട്ട പോലീസ് സ്റ്റേഷൻ സബ് ഇൻസ്പെക്ടറന്മാരായ വി.ബി.അനസ് , ഷാബുമോൻ, അസിസ്റ്റന്റ് സാബ് ഇൻസ്പെക്ടർ ജയരാജ്,നാരായണൻ, സീനിയർ സിവിൽ പോലീസ് ഓഫീസർ ജിനു.കെ.ആർ എന്നിവരും സംഘത്തിൽ ഉണ്ടായിരുന്നു.