പിഴ അടയ്ക്കാത്ത പക്ഷം ആറുമാസംകൂടി കഠിനതടവ് അനുഭവിക്കണം. പിഴ അടച്ചാല്‍ പിഴത്തുക ഇരയായ പെണ്‍കുട്ടിക്കു നല്‍കണമെന്നും കോടതി വ്യക്തമാക്കി. 2012 മേയ് മാസമാണ് കേസിനാസ്പദമായ സംഭവം. സ്‌കൂള്‍ വിദ്യാര്‍ഥിനിയായ പെണ്‍കുട്ടിയെയാണ് പ്രതി പീഡിപ്പിച്ച് ഫോട്ടോയെടുത്തത്. ഈ ഫോട്ടോ കാണിച്ച് ഭീഷണിപ്പെടുത്തി പലതവണ പീഡനത്തിനിരയാക്കി.
സംശയം തോന്നി പെണ്‍കുട്ടിയോട് അധ്യാപികമാര്‍ കൗണ്‍സലിങിനിടെ വിവരം ചോദിച്ചറിഞ്ഞു. തുടര്‍ന്നാണ് നടപടിയുണ്ടായത്. 2013 ഡിസംബറില്‍ പൊലീസില്‍ പരാതി നല്‍കി. വെള്ളിക്കുളങ്ങര പൊലീസ് കേസ് രജിസ്റ്റര്‍ ചെയ്ത് അന്വേഷണം നടത്തി പ്രതിയെ അറസ്റ്റു ചെയ്യുകയായിരുന്നു. പീഡനത്തിനിരയായ കുട്ടിയുടെ മൊഴി വിശ്വസിക്കാവുന്ന സാഹചര്യങ്ങള്‍ സുപ്രീം കോടതിയുടെ വിധിന്യായങ്ങള്‍ ഉദ്ധരിച്ചു ചൂണ്ടിക്കാട്ടിയ പ്രോസിക്യൂഷന്‍റെ വാദങ്ങള്‍ കോടതി അംഗീകരിച്ചു.