പതിനെട്ടാമത്തെ വയസ്സിൽ ഭർത്താവിനാലും സ്വന്തം വീട്ടുകാരാലും ഉപേക്ഷിച്ച് പിഞ്ചു കുഞ്ഞുമായി വീടുവിട്ടിറങ്ങിയ ആനി 12 വർഷത്തിനിപ്പുറം കാക്കിയണിഞ്ഞു നമുക്കിടയിലുണ്ട്. ഈ കഥയാണ് ഉണ്ണിയുടെ പോസ്റ്റിന് പിന്നിൽ. ആനിയെ അഭിനന്ദിക്കുമ്പോഴും നടന്റെ പോസ്റ്റിനെതിരെ വലിയ വിമർശനം തന്നെയാണ് ഉയർന്നിരിക്കുന്നത്.
ആനി ശിവയെ പ്രശംസിക്കുന്നതോടൊപ്പം ഫെമിനിസ്റ്റുകളെ പരോക്ഷമായി പരിഹസിച്ചിരിക്കുന്നതാണ് 'പൊട്ട്' പരാമർശം എന്നാണ് വിമർശനം. "സിക്സ് പാക്കല്ല, ഭാവാഭിനയത്തിലൂടെയാണ് നല്ലൊരു നടനുണ്ടാവുന്നത്", തുടങ്ങിയ കമന്റുകളാണ് നടന്റെ പോസ്റ്റിനു ലഭിക്കുന്നത്. മോശം പോസ്റ്റാണെന്ന് സംവിധായകൻ ജിയോ ബേബി അടക്കം ചൂണ്ടിക്കാട്ടിയിട്ടുണ്ട്. അതേസമയം ഫെമിനിസ്റ്റുകളെ വിമർശിച്ചതിനെ ന്യായീകരിക്കുന്ന അഭിപ്രായങ്ങളും രേഖപ്പെടുത്തുന്നുണ്ട്.