റ്റിജോ ഏബ്രഹാം
ന്യൂസ് ഡെസ്ക് കുവൈറ്റ്
കുവൈത്ത് സിറ്റി:ആദ്യഡോസ് കോവിഡ് പ്രതിരോധ കുത്തിവെപ്പ് സ്വീകരിച്ച ശേഷം വൈറസ് ബാധിച്ച് ഭേദമായവർക്ക് രണ്ടാം ഡോസ് നൽകിത്തുടങ്ങിയതായി കുവൈത്ത് ആരോഗ്യ മന്ത്രാലയം അറിയിച്ചു . വൈറസ് ബാധിച്ച് മൂന്നു മാസത്തിനു ശേഷമാണ് രണ്ടാംഡോസ് വാക്സിൻ നൽകുന്നത്.കോവിഡ് ബാധിച്ചവരുടെ ശരീരത്തിൽ ആൻറിബോഡി നിലനിൽക്കുന്നതിനാൽ മൂന്നു മാസത്തേക്ക് വാക്സിൻ എടുക്കേണ്ടതില്ലെന്ന വിദഗ്ധാഭിപ്രായം പരിഗണിച്ചു കൊണ്ടാണ് മൂന്ന് മാസത്തെ ഇടവേള നിശ്ചയിച്ചിരിക്കുന്നത്
കോവിഡ് ചികിത്സയുടെ ഭാഗമായി പ്ലാസ്മയോ ആൻറിബോഡിയോ സ്വീകരിച്ചവർക്ക് ഇത് ബാധകമാണ്.
രണ്ടാം ഡോസ് സ്വീകരിക്കാനായി ആളുകൾക്ക് ടെക്സ്റ്റ് സന്ദേശം അയച്ചുതുടങ്ങിയതായി അധികൃതർ വ്യക്തമാക്കി. ഇതുവരെ വാക്സിൻ സ്വീകരിക്കാത്ത കോവിഡ് ബാധിച്ച് രോഗമുക്തി നേടിയവർക്ക് ബൂസ്റ്റർ ഡോസ് നൽകുമെന്നും അധികൃതർ വ്യക്തമാക്കിയിട്ടുണ്ട്