ഇയാളുടെ കീഴിൽ പരിശീലനം നേടിയവരാണ് ഇപ്പോൾ പരാതിയുമായി എത്തിയ പെൺകുട്ടികൾ. കായിക പരിശീലനത്തിനിടെ പരിക്കേൽക്കുമ്പോൾ ഫിസിയോ തെറാപ്പി ചികിത്സ നൽകുന്നുവെന്ന വ്യാജേന പീഡിപ്പിച്ചുവെന്നാണ് പരാതി. ഭാവിയെ ബാധിക്കുമെന്ന ഭയത്താൽ ഇതേക്കുറിച്ച് പുറത്തു പറയാൻ താരങ്ങൾ മടിക്കുകയായിരുന്നു.
തന്റെ കീഴിൽ പരിശീലനം നേടുന്നവർക്കു മാത്രമേ നാഗരാജ് വലിയ മത്സരങ്ങളിൽ പങ്കെടുക്കാൻ അവസരം നൽകാറുണ്ടായിരുന്നുള്ളു. ഈ സാഹചര്യം നാഗരാജൻ ചൂഷണം ചെയ്യുകയായിരുന്നു എന്ന് പൊലീസ് വ്യക്തമാക്കി.
കഴിഞ്ഞ മെയിലാണ് 19കാരിയായ കായിക താരം നാഗരാജിനെതിരേ പരാതിയുമായി രംഗത്തു വന്നത്. തുടർന്ന് മെയ് 30ന് ഇയാളെ അറസ്റ്റ് ചെയ്തു. പുതിയ പരാതികൾ ലഭിച്ച സാഹചര്യത്തിൽ അന്വേഷണം തുടരുമെന്ന് പൊലീസ് വ്യക്തമാക്കി.