കൊച്ചി : ചലച്ചിത്ര പ്രവര്ത്തക ആയിഷ സുല്ത്താനക്കെതിരായ രാജ്യദ്രോഹക്കേസ് അന്വേഷണത്തിന് സ്റ്റേ ഇല്ല. കേസ് അന്വേഷണം പ്രാരംഭഘട്ടത്തിലാണ്. അതിനാല് ഇപ്പോള് കേസ് റദ്ദാക്കാനാവില്ല.
അന്വേഷണത്തിന് കൂടുതല് സമയം നല്കണമെന്നും ഹൈക്കോടതി അഭിപ്രായപ്പെട്ടു.
അന്വേഷണം അടിയന്തരമായി സ്റ്റേ ചെയ്യണമെന്ന് ആവശ്യപ്പെട്ടാണ് ലക്ഷദ്വീപ് സ്വദേശിയായ ആയിഷ സുല്ത്താന കോടതിയെ സമീപിച്ചത്. കേസിന്റെ അന്വേഷണ പുരോഗതി രണ്ടാഴ്ചയ്ക്കകം അറിയിക്കാന് ലക്ഷദ്വീപ് പൊലീസിന് ഹൈക്കോടതി നിര്ദേശം നല്കി.