സ്വർണക്കടത്തിന് അകമ്പടിപോകാൻ ഉപയോഗിച്ച കാറാണ് പിടികൂടിയത്. കസ്റ്റംസിന്റെ കാസർകോട് സംഘമാണ് കാർ കസ്റ്റഡിയിൽ എടുത്തത്.
ഉദിനൂർ സ്വദേശി വികാസിന്റേതാണ് കാർ. സ്വർണക്കടത്തിന് അകമ്പടി പോയ കാർ അർജുന്റെ സുഹൃത്തും തിമിരി സ്വദേശിയുമായ പ്രണവാണ് ഓടിച്ചത്. സ്വർണക്കടത്തിനായി ഈ കാർ ഉപയോഗിച്ചിട്ടുണ്ടെന്ന് അർജുൻ ആയങ്കി കസ്റ്റംസിന് മൊഴി നൽകിയിരുന്നു. ഇതിന്റെ അടിസ്ഥാനത്തിലാണ് കാർ കസ്റ്റഡിയിൽ എടുത്തത്.
നിലവിൽ ചന്ദേര പോലീസ് കസ്റ്റഡിയിലാണ് കാർ സൂക്ഷിച്ചിരിക്കുന്നത്. വികാസിനെയും, പ്രണവിനെയും കസ്റ്റംസ് ചോദ്യം ചെയ്യും.