നന്ദി എന്റെ മകനെ എന്നാണ് നീരജിനൊപ്പമുള്ള ചിത്രം പങ്കുവെച്ച് പിടി ഉഷ പറയുന്നത്. 400 മീറ്റര്‍ ഹര്‍ഡില്‍സ് ഫൈനലില്‍ 37 കൊല്ലം മുന്‍പ് ലോസ് ആഞ്ചലസില്‍ ഫോട്ടോ ഫിനിഷ് വിധിയെഴുത്തിലാണ് ഉഷയ്ക്ക് ഒളിംപിക്‌സ് മെഡല്‍ നഷ്ടമായത്.
ആദ്യ രണ്ട് ശ്രമങ്ങളില്‍ തന്നെ 87 മീറ്ററിന് മുകളിലേക്ക് ജാവലിന്‍ പറത്തി നീരജ് ഇന്ത്യന്‍ പ്രതീക്ഷകള്‍ക്ക് തുടക്കത്തില്‍ തന്നെ ഇന്ധനം നിറച്ചു. ആറ് ശ്രമങ്ങളിലും എതിരാളികളില്‍ ഒരാള്‍ പോലും നീരജിന്റെ ഏറിനെ മറികടക്കുന്ന പ്രകടനം പുറത്തെടുത്തില്ല. ഒടുവില്‍ ഇന്ത്യ കാത്തിരുന്ന ആ സ്വര്‍ണവും എത്തി.