തൃശൂര്: വിയ്യൂര് അതിസുരക്ഷാ ജയിലിലെ തടവുകാരന് മാനസികാരോഗ്യ കേന്ദ്രത്തില് തൂങ്ങിമരിച്ചു. കൊല്ലം ഇരവിപുരം സ്വദേശി അഭിജിത്ത് (34) മരിച്ചത്.
തിരുവനന്തപുരം പൂജപ്പുര സെന്ട്രല് ജയിലിലെ തടവുകാരനായിരുന്ന അഭിജിത്ത് ജയിലില് സംഘട്ടനമുണ്ടാക്കുകയും ഇയാളുടെ പക്കല് നിന്നും മാരകായുധങ്ങള് കണ്ടെത്തുകയും ചെയ്തതിനെ തുടര്ന്ന് വിയ്യൂര് ഹൈ സെക്യൂരിറ്റി ജയിലിലേയ്ക്ക് മാറ്റുകയായിരുന്നു. ദിവസങ്ങള്ക്ക് മുമ്പ് മാനസികാസ്വാസ്ഥ്യം പ്രകടിപ്പിച്ചതിനെ തുടര്ന്നാണ് മാനസികാരോഗ്യ കേന്ദ്രത്തില് പ്രവേശിപ്പിച്ചത്. ഇതിനിടെ കഴിഞ്ഞ ദിവസം കോവിഡ് സ്ഥിരീകരിച്ചതോടെ മാനസീകാരോഗ്യകേന്ദ്രത്തിലെ കോവിഡ് ബ്ളോക്കിലെ റെഡ്സോണില് പാര്പ്പിച്ചിരിക്കുകയായിരുന്നു.
ഇന്നു രാവിലെ പതിനൊന്നരയോടെ പാലും മരുന്നും നല്കാനായി ജീവനക്കാരി എത്തിയപ്പോഴാണ് സെല്ലിലെ ഫാനില് തൂങ്ങി മരിച്ച നിലയില് കണ്ടെത്തിയത്. ഉടന് തന്നെ ഡ്യൂട്ടി ഡോക്ടറെയും പൊലീസിനെയും വിവരമറിയിക്കുകയായിരുന്നു. തൃശ്ശൂര് വെസ്റ്റ് പൊലീസ് മേല് നടപടികള് സ്വീകരിച്ചു.