ന്യൂഡല്ഹി : അസംസ്കൃത എണ്ണ വില ഉയര്ന്നു നില്ക്കുന്ന പശ്ചാത്തലത്തില് രാജ്യത്ത് ഇന്ധനവില നാളെയും വര്ധിക്കും. പെട്രോള് ലിറ്ററിന് 90 പൈസയും ഡീസല് 84 പൈസയും വര്ധിക്കുമെന്നാണ് റിപ്പോര്ട്ടുകള്. ഇതോടെ കൊച്ചിയില് പെട്രോള് വില 106 കടക്കും. ഒരു ലിറ്റര് ഡീസല് വാങ്ങാന് കൊച്ചിയില് 93 രൂപയ്ക്ക് മുകളില് കൊടുക്കേണ്ടി വരും. തിരുവനന്തപുരത്ത് പെട്രോള് വില 108 കടക്കും.
137 ദിവസത്തിന് ശേഷം ഇന്നാണ് ആദ്യമായി പെട്രോള്, ഡീസല് വില വര്ധിപ്പിച്ചത്. ഇന്ന് പെട്രോള് ലിറ്ററിന് 80 പൈസയാണ് വര്ധിപ്പിച്ചത്. അഞ്ചു സംസ്ഥാനങ്ങളിലെ തെരഞ്ഞെടുപ്പിനെ ത്തുടര്ന്ന് മരവിപ്പിച്ചിരുന്ന ഇന്ധന വിലയാണ് കൂട്ടിയത്. തെരഞ്ഞെടുപ്പ് ഫലത്തിന് പിന്നാലെ ഇന്ധന വില വര്ധിപ്പിക്കുമെന്ന് റിപ്പോര്ട്ടുകളുണ്ടായിരുന്നു. എന്നാല് ഫലം വന്ന് രണ്ടാഴ്ചയ്ക്ക് ശേഷമാണ് വില വര്ധിപ്പിച്ചത്.
2021 നവംബറില് ദീപാവലിയോട് അനുബന്ധിച്ചായിരുന്നു രാജ്യത്ത് അവസാനമായി ഇന്ധന വിലയില് വര്ധന വരുത്തിയത്. റഷ്യ-യുക്രൈന് സംഘര്ഷത്തിന്റെ പശ്ചാത്തലത്തില് ക്രൂഡ് ഓയില് വില 130 ഡോളറിന് മുകളിലേക്കെത്തിയപ്പോഴും രാജ്യത്ത് പെട്രോള്, ഡീസല്വിലയില് മാറ്റം വരുത്തിയിരുന്നില്ല.