പുലര്‍ച്ചെ അഞ്ചരയോടെയാണ് സംഭവം. എതിര്‍ ദിശയില്‍ നിന്ന് വന്ന മണല്‍ നിറച്ച ലോറിയുമായി കൂട്ടിയിടിക്കുകയായിരുന്നു. പ്രദേശത്ത് ചെറിയ ചാറ്റല്‍ മഴ പെയ്തിരുന്നു. ഇതാണോ അപകടത്തിന് കാരണമായത് എന്ന് സംശയിക്കുന്നു.
കേരള ബ്ലാസ്റ്റേഴ്‌സും ഹൈദരാബാദ് എഫ്‌സിയും തമ്മിലുള്ള ഐഎസ്‌എല്‍ ഫൈനല്‍ കാണാന്‍ ഗോവയിലേക്ക് പോകവേയാണ് അപകടം ഉണ്ടായത്. അപകടത്തില്‍പ്പെട്ട ബൈക്കില്‍ ഉണ്ടായിരുന്ന ഇരുവരെയും മിനിലോറി ഡ്രൈവറും നാട്ടുകാരും ചേര്‍ന്ന് ആശുപത്രിയിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല.