പ്രണയത്തിലകപ്പെട്ട് ഭര്‍ത്താവിനെയും , കുഞ്ഞിനെയും ഉപേക്ഷിച്ച്‌ നാടുവിട്ട നഗ്മ എന്ന യുവതിയും, കാമുകന്‍ രാഹുലുമാണ് ക്രിമിനല്‍ പ്രവര്‍ത്തനങ്ങളുടെ പേരില്‍ അറസ്റ്റിലായത് . നഗ്മ വിവാഹിതയും ഒരു കുട്ടിയുടെ അമ്മയുമാണെന്ന് തുടക്കത്തില്‍ രാഹുലിന് അറിയില്ലായിരുന്നു. നഗ്മയുമായി ഒളിച്ചോടിയ ശേഷം രാഹുല്‍ ഗൈഘട്ടിലെ വാടകവീട്ടിലാണ് യുവതിയെ താമസിപ്പിച്ചത്.
പട്നയിലെ ചിത്കോഹ്ര്‍ സ്വദേശിയായ രാഹുല്‍, ആയുധങ്ങള്‍ കടത്തുകയും , ക്രിമിനല്‍ പ്രവര്‍ത്തനങ്ങളില്‍ ഏര്‍പ്പെടുകയും ചെയ്യുന്നുണ്ടായിരുന്നു .ഇതിനിടെയാണ് 2015ല്‍ വിക്രം എന്ന യുവാവിനെ കൊലപ്പെടുത്തിയ കേസില്‍ 5 വര്‍ഷത്തോളം ചപ്ര ജയിലില്‍ രാഹുല്‍ തടവിലായത് . ഈ സമയത്ത് നഗ്മയാണ് ഇയാളുടെ ഗുണ്ടാ സംഘത്തിന് നേതൃത്വം നല്‍കിയിരുന്നത്. ജയിലില്‍ കഴിയുന്ന രാഹുലുമായി നിരന്തരം സമ്ബര്‍ക്കം പുലര്‍ത്തിയിരുന്ന നഗ്മ രാഹുല്‍ പറയുന്ന വിലാസങ്ങളില്‍ ആയുധങ്ങള്‍ എത്തിച്ചുകൊടുക്കുകയും ചെയ്തിരുന്നു.
ഒരു മാസം മുന്‍പാണ് രാഹുലിന് ജാമ്യം ലഭിച്ചത്. കുറച്ച്‌ ദിവസങ്ങള്‍ക്ക് മുമ്ബ് പട്നയിലെ ഗാര്‍ഡ്‌നിബാഗ് പോലീസ് സ്റ്റേഷന്‍ പരിധിയിലെ അനിഷാബാദ് വളവിലുള്ള മൊബൈല്‍ ഷോപ്പില്‍ കവര്‍ച്ചയ്‌ക്കായി ഗുണ്ടകള്‍ വെടിയുതിര്‍ത്തിരുന്നു . സംഭവത്തിന്റെ ദൃശ്യങ്ങള്‍ പരിശോധിച്ച പോലീസ് രാഹുലിനെയും നഗ്മയെയും അറസ്റ്റ് ചെയ്തു. ഇരുവരെയും പോലീസ് ചോദ്യം ചെയ്തപ്പോഴാണ് പ്രണയകഥ അടക്കം പുറത്ത് വന്നത്.