കോട്ടയം : പേരൂർ പള്ളിക്കുന്നേൽ കടവിലാണ് സംഭവം. ഇന്ന് ഉച്ചക്ക് ഒരു മണിയോടെ അപകടമുണ്ടായത്.
പത്ത്, എട്ട് ക്ലാസുകളിൽ പഠിക്കുന്ന അമൽ (16), നവീൻ (15) എന്നിവരാണ് മരിച്ചത്. ചെറുവാണ്ടൂർ സ്വദേശികളാണ്.
നാല് പേരടങ്ങുന്ന കുട്ടികളുടെ സംഘമാണ് പള്ളിക്കുന്നേൽ കടവിൽ കുളിക്കാനെത്തിയത്.
ഇതിൽ രണ്ട് പേരാണ് ഒഴുക്കിൽ പെട്ട് കാൽവഴുതി മുങ്ങി താഴ്ന്നത്.
ഇവരെ രക്ഷിക്കാൻ സമീപവാസികൾ ശ്രമം നടത്തിയെങ്കിലും വിജയിച്ചില്ല. പുറത്തെടുത്തപ്പോഴേക്കും മരിച്ചിരുന്നു.
മൃതദേഹം കോട്ടയം മെഡിക്കൽ കോളേജ്‌ ആശുപത്രിയിലേക്ക് മാറ്റി.