പുതുപ്പള്ളി പെരുന്നാൾ കൊടിയേറ്റ് ഇന്ന്

ജോവാൻ മധുമല 

പുതുപ്പള്ളി: ചരിത്ര പ്രസിദ്ധ തീർത്ഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിൽ പെരുന്നാളിന് ഇന്നു കൊടിയേറും. 

      ഉച്ചയ്ക്ക് 2നു കൊടിമര ഘോഷയാത്ര നടക്കും. വൈകിട്ട് 5നു വികാരി ഫാ: എ. വി. വർഗീസ് ആറ്റുപുറം കൊടിയേറ്റ് കർമ്മം നിർവ്വഹിക്കും. 

       മെയ് 1ന് പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവായ്ക്കു സ്വീ കരണം, ഓർഡർ ഓഫ് സെന്റ് ജോർജ് ബഹുമതി ഗായിക കെ. എസ്. ചിത്രയ്ക്കു സമ്മാനിക്കൽ എന്നിവ നടക്കും. പുതുപ്പള്ളി കൺവൻഷൻ മേയ് 2 മുതൽ 4 വരെയാണ്. പള്ളിയുടെ 6 കുരിശടികളിൽ നിന്നുള്ള പ്രദക്ഷിണം 5-ാം തീയതി വൈകിട്ട് 6 ന് നടക്കും. പൊന്നിൻ കുരിശ് ത്രോണോസിൽ പ്രതിഷ്ഠിക്കൽ 6 നു രാവിലെ 11 ന് നടക്കും.

     7 നാണ് ചരിത്ര പ്രസിദ്ധമായ വെച്ചൂട്ട്, കുട്ടികളുടെ ആദ്യ ചോറൂട്ട്, നേർച്ച വിളമ്പ് എന്നിവയും നടക്കും