ദോഹ: ഖത്തറിലെ അല്‍ ഗാനിം ബസ് സ്റ്റേഷന്‍ ജൂണ്‍ 15 മുതല്‍ അടച്ചുപൂട്ടുമെന്ന് കര്‍വ. പൊതുഗതാഗത സൗകര്യങ്ങള്‍ കൂടുതല്‍ കാര്യക്ഷമമാക്കുന്നതിന്റെ ഭാഗമായാണ് നടപടി. മൊവാസലാത്തിന് കീഴില്‍ പുതിയ ബസ് സ്റ്റേഷനുകള്‍ ആരംഭിക്കുകയും പഴയ റൂട്ടുകള്‍ ഘട്ടം ഘട്ടമായി ഒഴിവാക്കുകയും ചെയ്യും. മെയ് 29 മുതല്‍ പുതിയ റൂട്ടുകള്‍ തുടങ്ങുകയും ചെയ്യും. പുതിയ ബസ് റൂട്ടുകള്‍ അറിയുന്നതിന് കര്‍വ ബസ് ആപ്പ് ഡൗണ്‍ലോഡ് ചെയ്ത് ഉപയോഗിക്കണമെന്ന് കര്‍വ അറിയിച്ചു.