മക്ക: ഉംറ തീര്ഥാടകര്ക്കുള്ള വിസ അപേക്ഷ സമര്പ്പിക്കാനുള്ള അവസാന തീയതി പുറത്തുവിട്ട് അധികൃതര്. മെയ് 16 തിങ്കളാഴ്ച വരെ മാത്രമേ വിസക്കുള്ള അപേക്ഷ സ്വീകരിക്കുകയുള്ളൂവെന്ന് സൗദി ഹജ്ജ് ഉംറ മന്ത്രാലയം അറിയിച്ചു. ഹജ്ജ് കര്മ്മത്തിന് ശേഷമായിരിക്കും പുതിയ ഉംറ സീസണ് ആരംഭിക്കുക. നിലവിലെ ഹജ്ജ് സീസണ്, ഇന്ന് അവസാനമായി സ്വീകരിക്കുന്ന അപേക്ഷകര് ഉംറ ചെയ്ത് മടങ്ങുന്നതോടെ അവസാനിക്കും. അതിനുശേഷം അധികൃതര് ഹജ്ജ് കര്മ്മത്തിനുള്ള സൗകര്യങ്ങള് ഒരുക്കുന്ന തിരക്കിലായിരിക്കും. ഹജ്ജ് കര്മ്മത്തിന് പെര്മിറ്റിനായുള്ള വ്യാജ വെബ്സൈറ്റുകളെ ശ്രദ്ധിക്കണമെന്ന് അധികൃതര് നേരത്തെ മുന്നറിയിപ്പ് നല്കിയിരുന്നു. ഇപ്രാവശ്യം ഹജ്ജ് കര്മ്മത്തിന് ചില നിബന്ധനകള് നിര്ദേശിച്ചിട്ടുണ്ട്. 65 വയസ്സിനു മുകളില് പ്രായമുള്ളവര്ക്ക് മാത്രമായിരിക്കും ഇപ്രാവശ്യം ഹജ്ജിന് അനുമതി നല്കുക എന്നതാണ് ഏറ്റവും പ്രധാനപ്പെട്ടത്. കൊവിഡ് വ്യാപനത്തിന് മുമ്പ് ഉംറ തീര്ഥാടനത്തിന് ഇത്തരത്തിലൊരു നിബന്ധന ഉണ്ടായിരുന്നില്ല. ഹജ്ജ് തീര്ഥാടകര് സൗദി ആരോഗ്യ മന്ത്രാലയം അംഗീകരിച്ച കൊവിഡ് വാക്സിന് എടുത്തിരിക്കണം. സൗദിയിലേക്ക് വരുന്നതിന് 72 മണിക്കൂര് മുമ്പേ എടുത്ത പിസിആര് പരിശോധനാ ഫലവും നിര്ബന്ധമാണ്.
ഉംറ തീര്ഥാടനം: വിസ അപേക്ഷ സമര്പ്പിക്കാനുള്ള അവസാന തീയതി പുറത്തുവിട്ട് അധികൃതര്
jibin
0
Tags
Top Stories