ദുബായ്: രണ്ട് അപരിചിതർ ആയ വ്യക്തികൾ ഒരു സ്ത്രീയെ തട്ടികൊണ്ട് പോകാൻ ശ്രമം നടത്തിയത് പരാജയപ്പെടുത്തി ഡെലിവറി ജീവനക്കാരൻ. ഇന്നലെ ദുബായ് ഇന്‍റർനാഷനൽ സിറ്റിയിലാണ് സംഭവം നടന്നത്. കാറിൽ എത്തിയ രണ്ട് പേർ സ്ത്രീയെ ബലമായി പിടിച്ച് കൊണ്ട് പോകാൻ നടത്തിയ ശ്രമം ആണ് യുവാവ് പരാജയപ്പെടുത്തിയത്. സ്ത്രീ ബഹളം വെക്കുകയും കരയുകയും ചെയ്തതോടെയാണ് ഡെലിവറി ജീവനക്കാരൻ എത്തിയത്. ഇവരെ ബലം പ്രയോഗച്ച് കാറിൽ കയറ്റാൻ ആക്രമികൾ ശ്രമിചച്ചപ്പോൾ ഡെലിവറി ജീവനക്കാരനെ കൂടാതെ പരിസരത്തുള്ളവരും എത്തി. എല്ലാവരും ഓടിയെത്തിയപ്പോൾ അജ്ഞാതർ സംഭവ സ്ഥലത്ത് നിന്നും ഓടി രക്ഷപ്പെട്ടു. പിന്നീട് പോലീസിൽ വിവരമറിയിക്കുകയും പോലീസ് എത്തി മറ്റു നടപടി ക്രമങ്ങൾ സ്വീകരിക്കുകയായിരുന്നു. സംഭവത്തെ കുറിച്ച് ഡെലിവറി റൈഡർ ദുബായ് ഫസ്റ്റ് ഇൻസ്റ്റൻസ് കോടതിയിൽ മൊഴി നൽകി. തുടർന്ന് പോലീസ് അന്വേഷണം നടത്തി. പോലീസ് നടത്തിയ അന്വേഷണത്തിൽ അക്രമികളായ രണ്ട് പേരെയും പിടിക്കൂടി. സ്ത്രീയുടെ സഹോദരൻ തന്നെയാണ് ഇവരെ തട്ടികൊണ്ട് പോകാൻ ആളെ നിയമിച്ചത്. തട്ടികൊണ്ട് പോകാൻ ഉണ്ടായ കാരണം കേട്ട് പോലീസ് തന്നെ മൂക്കത്ത് വിരൽ വെച്ചിരിക്കുകയാണ്. സ്ത്രീയും സഹോദരനും തമ്മിലെ സാമ്പത്തിക പ്രശ്നങ്ങളാണ് ഇത്തരത്തിലൊരു കാര്യം ചെയ്യാൻ സഹോദരനെ പ്രേരിപ്പിച്ചത്. തുടർന്ന് സഹോദരനെയും പൊലീസ് അറസ്റ്റ് ചെയ്തു.