ഖത്തർ: നിർമാണം പുരോഗമിക്കുന്ന ഖത്തറിലെ ലുസൈലിലെ ക്രസന്റ് ടവറില്‍ തീപിടുത്തം. ആളപായമൊന്നും സംഭവിച്ചിട്ടില്ല. ട്വിറ്ററിലൂടെയാണ് വാർത്ത പുറത്തുവിട്ടിരിക്കുന്നത്. വാർത്തയുടെ ചിത്രങ്ങളും വീഡിയോയും കാണാൻ സാധിക്കും. തീ ഉടൻ നിയന്ത്രണവിധേയമാക്കി. രാവിലെ ഒമ്പത് മണിയോടെയാണ് തീപിടുത്തം ഉണ്ടായത്. ഖത്തറിൽ ചന്ദ്രകലയുടെ മാതൃകയിൽ ഉയർന്ന് നിൽക്കുന്ന കെട്ടിടം ആണ് ഇത്. കെട്ടിടത്തിന് ചുറ്റും വലിയ തോതിൽ പുക ഉയരുന്നത് ദൃശ്യയങ്ങളിൽ നിന്നും കാണാം. സോഷ്യൽ മീഡിയയിൽ വീഡിയോ പെട്ടെന്ന് വെെറലായി. തീപടർന്ന് മിനിറ്റുകള്‍ക്കകം കെട്ടിടത്തില്‍ നിന്ന് അധികൃതർ ആളുകളെ ഒഴിപ്പിച്ചു. ഉടൻ തന്നെ തീ നിയന്ത്രണ വിധേയമാക്കിയത് കൊണ്ട് വലിയ അപകടം ഇല്ലാതെ രക്ഷപ്പെട്ടു.