ഒമാൻ: ജോലിക്കായി 10 ദിവസം മുമ്പ് ഒമാനിൽ എത്തിയ പ്രവാസി മലയാളി മരിച്ചു. ഹൃദയാഘാതം മൂലം ആണ് മരണം സംഭവിച്ചത്. പാലക്കാട് ആനക്കര മലമല്‍ക്കാവ് ആനപ്പടി സ്വദേശി എടപ്പലം വേലായുധന്‍ മകന്‍ സനീഷ് (36) ആണ് മരിച്ചത്. ഒമാന്‍ അല്‍വുസ്ഥ ഗവര്‍ണറേറ്റിലെ ദുഖാമില്‍ വെച്ചായിരുന്നു മരണം ഭവം നടന്നത്. ഇദ്ദേഹം ജോലിക്കായി ഒമാനിൽ എത്തിയിട്ട് 10 ദിവസം മാത്രമേ ആയിട്ടുള്ളു.ഇന്നലെ ഉച്ചയോടെ ശാരീരിക അസ്വസ്ഥത മൂലം ഇദ്ദേഹത്തെ ആശുപത്രിയിൽ പ്രവേശിപ്പിച്ചു. എന്നാൽ അവിടെ എത്തി കുറച്ചു സമയത്തിന് ശേഷം മരണം സംഭവിക്കുകയായിരുന്നു. ഒമാനിലെ ദുഖം ആശുപത്രിയിൽ മൃതദേഹം സൂക്ഷിച്ചിരിക്കുകയാണ്. ഭൗതിക ശരീരം നാട്ടിലെത്തിക്കാനുള്ള ശ്രമങ്ങൾ നടന്നു കൊണ്ടിരിക്കുകയാണ്. പെരുന്നാൾ പ്രമാണിച്ച് ഒമാനിൽ 9 ദിവസം അവധി പ്രഖ്യാപിച്ചിട്ടുണ്ട്. ഇതോടെയാണ് നടപടി ക്രമങ്ങൾ വെെകുന്നത്.സാമൂഹ്യ പ്രവര്‍ത്തകരും കമ്പനി പി ആര്‍ ഓയും ഇടപെട്ട് ഇദ്ദേഹത്തിന്റെ മൃതദേഹം നാട്ടിലെത്തിക്കാനുള്ള നടപടി ക്രമങ്ങൾൽ വേഗത്തിലാക്കിയിട്ടുണ്ട്. ഭാര്യ: സുനിത. മക്കള്‍: അനഘ, ആദിദേവ്. അമ്മ: ശാന്ത. സഹോദരങ്ങള്‍: സന്തോഷ്, സജിത.