ശ്രീനഗര്‍: ജമ്മു കശ്മീരില്‍ ഭീരവാദികളുടെ വെടിയേറ്റ് പൊലീസ് ഓഫീസര്‍ കൊല്ലപ്പെട്ടു. ഏഴു വയസ്സുകാരി മകള്‍ക്ക് ഗുരുതരമായി പരിക്കേറ്റു. അഞ്ചര്‍ മേഖലയിലെ സൗറയില്‍ നിന്നുള്ള കോണ്‍സ്റ്റബിള്‍ സയ്ഫുള്ള ഖാദ്രിയാണ് കൊല്ലപ്പെട്ടത്. വീട്ടില്‍ വെച്ചാണ് ഇദ്ദേഹത്തിന് വെടിയേറ്റത്.
മകള്‍ക്കൊപ്പം ഇരിക്കുന്ന സമയത്താണ് ഭീകര്‍ സെയ്ഫുള്ളയ്ക്ക് നേരെ വെടിയുതിര്‍ത്ത്. കുട്ടിയുടെ വലത് കൈയ്ക്കാണ് വെടിയേറ്റത്.
ആക്രമണം നടന്നതിന് പിന്നാലെ ഖാദ്രിയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. ആക്രമണത്തിന് പിന്നാലെ, ഭീകരര്‍ക്ക് വേണ്ടി പ്രദേശത്ത് തെരച്ചില്‍ ആരംഭിച്ചു.
കശ്മീരില്‍ പൊലീസ് ഉദ്യോഗസ്ഥര്‍ക്ക് എതിരെ ഈ മാസം നടക്കുന്ന മൂന്നാമത്തെ ആക്രമണമാണ് ഇത്. മെയ് ഏഴിന് ഐവ പാലത്തില്‍ വെച്ച് പൊലീസുകാരനെ വെടിവെച്ചു കൊന്നിരുന്നു. പുല്‍വാമയില്‍ മെയ് 13ന് മറ്റൊരു പൊലീസുകാരനും കൊല്ലപ്പെട്ടു.