റിയാദ്: സൗദിയില് വാഹനം ഒട്ടകവുമായി കൂട്ടിയിടിച്ചു മലയാളി മരിച്ചു. തിരുവനന്തപുരം ചെറിയതുറ സ്വദേശി വിനോജ് ഗില്ബെര്ട്ട് ജോണ് (42) ആണ് മരിച്ചത്. ഹായില് റൗദ റോഡില് ഇദ്ദേഹം ഓടിച്ചിരുന്ന വാഹനം രാത്രിയില് ഒട്ടകവുമായി കൂട്ടിയിടിക്കുകയായിരുന്നു. മൃതദേഹം നാട്ടില് എത്തിക്കാനുള്ള ശ്രമം നടത്തിവരികയാണ്. മരിച്ച വിനോജ് റൊട്ടി കമ്പനി ജീവനക്കാരനാണ്. ഭാര്യ: ഫെബി വിനോജ്, മകള്: സോജ് മേരി വിനോജ്.