സൗദി.. ലോകത്തിൽ തന്നെ ഏറ്റവും വലിയ കെട്ടിടം നിർമ്മിക്കാൻ ഒരുങ്ങി സൗദി. രാജ്യത്തിന്റെ ജനസാന്ദ്രത കുറഞ്ഞ പ്രദേശത്താണ് കെട്ടിടം നിർമ്മിക്കാൻ സൗദി ഒരുങ്ങുന്നത്. ഇരട്ടഗോപുരം നിര്‍മിക്കാനാണ് ലക്ഷ്യം വെക്കുന്നതെന്നാണ് റിപ്പോർട്ട്. ചെങ്കടല്‍ തീരത്ത് 500 ബില്യണ്‍ ഡോളര്‍ ചെലവഴിച്ചാണ് സൗദി പുതിയ കെട്ടിടം നിർമ്മിക്കുന്നത്. നിയോം പദ്ധതിയുടെ ഭാഗമായിട്ടായിരിക്കും കെട്ടിടം ഉയരുന്നത്. സൗദി കിരീടവകാശി മുഹമ്മദ് ബിന്‍ സല്‍മാന്റെ സ്വപ്ന പദ്ധതിയാണ് നിയോം. പദ്ധതിയുടെ നിർമ്മാണം പൂർത്തിയാകുന്നതോടെ സൗദിയിൽ കാഴ്ചയുടെ വലിയ അത്ഭുതങ്ങള്‍ ആണ് ഉണ്ടാകാൻ പോകുന്നത്. കാഴചയുടെ വലിയ വിസ്മയം ഒരുക്കി പടുകൂറ്റന്‍ കെട്ടിടമായി സൗദി തന്റെ ചിത്രം മാറ്റാൻ ഒരുങ്ങുകയാണ്. ചെങ്കടല്‍ തീരം മുതല്‍ മരുഭൂമിയിലേക്ക് നീണ്ടു കിടക്കുന്ന കെട്ടിടമാണ് നിർമ്മിക്കുന്നത് എന്നാണ് റിപ്പോർട്ട്. ഫ്ലാറ്റുകളും, അപാർട്ട്മെന്റുകളും, ഓഫീസുകളിൽ ഉണ്ടാകും. ഇത് കൂടാതെ ഫാക്ടറികളും മാളുകളും എല്ലാം ഇവിടെ നിർമ്മിക്കും. ഇവിടെ ഒരു വലിയ ലോകം സൃഷ്ടിക്കുകയാണ് ചെയ്യുന്നത്. നിയോം പദ്ധതിയുടെ ഭാഗമായി ചെങ്കടല്‍ തീരത്ത് ഹൈപ്പര്‍-സ്പീഡ് റെയില്‍ പദ്ധതിയാണ് നേരത്തെ തീരുമാനിച്ചിരിക്കുന്നത്. അന്തരീക്ഷത്തിൽ മലിനീകരണം ഉണ്ടാക്കാത്ത രീതിയിൽ ഉള്ള വാഹനങ്ങള്‍ പൂർണ്ണമായും ഒഴവാക്കും. ഇത് ഒഴിവാക്കി അത്യാധുനിക ബദല്‍ മാർഗങ്ങൾ കണ്ടെത്തും. ഇത്തരത്തിൽ പുതിയ പദ്ധതികളുമായി ആണ് നിയോമില്‍ നടപ്പിലാക്കാൻ തീരുമാനിച്ചിരിക്കുന്നത്. ഇവിടെ തന്നെയായിരിക്കും ലോകത്തെ ഏറ്റവും വലിയ കെട്ടിടം ഉയരുന്നത് എന്നാണ് റിപ്പോർട്ട്. രാജ്യത്തെ ഒറ്റപ്പെട്ട പ്രദേശത്തെ ഹൈടെക് സെമി ഓട്ടോണമസ് നഗരമാക്കി മാറ്റാനുള്ള പദ്ധതിയാണ് ഇതിലൂടെ ലക്ഷ്യം വെക്കുന്നത്. 2017ലാണ് സൗദി കിരീടാവകാശി ബിന്‍ സല്‍മാന്‍ ഇത് പ്രഖ്യാപിച്ചത്. വലിയ തോതിൽ വിദേശ നിക്ഷേപം ആകർഷിച്ചാണ് ഈ പദ്ധതി സൗദി മുന്നോട്ട് വെച്ചിരിക്കുന്നത്. രാജ്യത്തിന്റെ സമ്പദ് വ്യവസ്ഥ വലിയ രീതിയിൽ ഉയർത്താൻ ഇത് സാധിക്കും. എണ്ണ വില്‍പ്പനയ്ക്ക് പുറമേ മറ്റു പല തരത്തിലുള്ള വരുമാനങ്ങൾ ലക്ഷ്യമിട്ടാണ് പുതിയ പദ്ധതി സൗദി കൊണ്ടുവന്നിരിക്കുന്നത്. ലോകത്തെ ഏറ്റവും പ്രധാനപ്പെട്ട സാമ്പത്തിക റൂട്ടുകളായി നിയോം അറബ് പ്രദേശം, ഏഷ്യ, ആഫ്രിക്ക, യൂറോപ്പ് എന്നിവ ഭാവിയിൽ മാറും. നിയോമിന്റെ സാമ്പത്തിക റിയല്‍ എസ്റ്റേറ്റ് നിക്ഷേപ മേഖലകളിൽ വലിയ തരത്തിലുള്ള വരുമാന സ്രോതസ്സുകള്‍ കൊണ്ടുവരാൻ പുതിയ പദ്ധതി വരുന്നതിലൂടെ സാധിക്കും. രാജ്യത്തെ സാമ്പത്തിക പരിവര്‍ത്തനത്തിന്റെ ഒരു പുതിയ തുടക്കമായി ഇത് മാറും എന്നാണ് സൗദി കണക്കുകൂട്ടുന്നത്. ഇപ്പോൾ യുഎഇയിലെ ബുര്‍ജ് ഖലീഫയാണ് ഗൾഫ് രാജ്യത്തെ ഏറ്റവും വലിയ കെട്ടിടം. ഇതിനെ വെല്ലാൻ വേണ്ടിയാണ് സൗദി പുതിയ കെട്ടിടം നിർമ്മിക്കും എന്ന പ്രഖ്യാപനവുമായി രംഗത്തെത്തിയിരിക്കുന്നത്. ലോകത്തെ എറ്റവും ഉയരമേറിയ കെട്ടിടം ജിദ്ദയില്‍ നിര്‍മിക്കുമെന്ന് നേരത്തെ സൗദി രാജകുമാരനായ അല്‍വലീദ് ബിന്‍ തലാല്‍ പ്രഖ്യാപിച്ചിരുന്നു. ഇതിന്റെ നിർമ്മാണം ഇപ്പോഴും പകുതി മാത്രം ആയിട്ടുള്ളു.