പാലക്കാട്; കളിക്കാൻ പോയി വരുന്നതിനിടെ സഹോദരിമാർ കിണറ്റിൽ വീണു. നാട്ടുകാർ ഓടിയെത്തിയപ്പോൾ കണ്ടത് ഒന്നര വയസുകാരിയായ അനുജത്തിയെ വെള്ളത്തിനു മുകളിൽ ഉയർത്തിപ്പിടിച്ചു നിൽക്കുന്ന ഏഴു വയസുകാരി ചേച്ചിയെ. പാലക്കാട് കണ്ണമ്പ്രയിലാണ് സഭവമുണ്ടായത്.
പടിഞ്ഞാറെമുറി കുന്നത്ത് രാകേഷ്-സന്ധ്യ ദമ്പതികളുടെ മക്കളായ കീര്‍ത്തന, പ്രാർഥന എന്നിവരാണ് ഇന്നലെ വൈകിട്ട് അഞ്ചോടെ അടുത്ത വീട്ടിലെ ആൾമറയില്ലാത്ത കിണറ്റിൽ വീണത്. അരയ്ക്കൊപ്പം വെള്ളത്തിൽ അനുജത്തിയെ ഉയർത്തിപ്പിടിച്ചു നിൽക്കുകയായിരുന്നു കീർത്തന. കുട്ടികളുടെ ബന്ധുകൂടിയായ സമീപവാസി കെ അനൂപ് ഓടിയെത്തി കയർ കെട്ടി കിണറ്റിൽ ഇറങ്ങി രണ്ടുപേരെയും രക്ഷപ്പെടുത്തി.