ഹൈദരാബാദ്: ഹൈദരാബാദ് ആഡംബര കാറിലെ കൂട്ടബലാത്സംഗകേസിൽ ഇന്ന് ഒരാൾകൂടി അറസ്റ്റിൽ. പ്ലസ് ടൂ വിദ്യാർത്ഥിയാണ് ഇന്ന് പോലീസ് പിടിയിൽ ആയിരിക്കുന്നത്. ഇതോടെ കേസിൽ അറസ്റ്റിലായവരുടെ എണ്ണം രണ്ടായി. ഇന്നലെ സദുദ്ദിൻ മാലിക്ക് എന്നയാളെ പോലീസ് അറസ്റ്റ് ചെയ്തിരുന്നു. കേസിൽ പ്രതികളായ അഞ്ചു പേരിൽ മൂന്ന് പേരും പ്രായപൂർത്തിയാകാത്തവരാണെന്ന് നേരത്തെ കണ്ടെത്തിരുന്നു. രാജ്യത്തെ നാണംകെടുത്തിയ കൂട്ടബലാത്സംഗ കേസ് നടന്ന മെഴ്സിഡസ് ബെൻസ് കാർ ടിആർഎസ് നേതാവിന്റെ പേരിലാണെന്നും കണ്ടെത്തിയിരുന്നു. സംഭവത്തിൽ അന്വേഷണം ഉന്നതരിലേക്ക് നീളുന്നതായാണ് റിപ്പോർട്ടുകൾ പുറത്തുവന്നിരുന്നത്.
കഴി‍ഞ്ഞ ശനിയാഴ്ചയാണ് കേസിനാസ്പദമായ സംഭവം റിപ്പോർട്ട് ചെയ്തിരിക്കുന്നത്. പ്രായപൂർത്തിയാകാത്ത പെൺകുട്ടിയെ അഞ്ച് പേർ ചേർന്ന് കൂട്ടബലാത്സംഗത്തിന് ഇരയാക്കിയെന്നാണ് കേസ്. ഇവരിൽ എംഎൽഎയുടെ മകനും ഉൾപ്പെടുന്നുണ്ട്.
പ്രായപൂർത്തിയാകാത്ത പെൺകുട്ടിയെ ആഡംബര കാറിൽ കയറ്റിയായിരുന്നു പീഡനം നടത്തിയതായാണ് പരാതി. കേസിൽ പ്രതികളും പ്രായപൂർത്തിയാകാത്തവരാണ്. പ്രതികൾ എല്ലാവരും രാഷ്ട്രീയ ബന്ധമുള്ള കുടുംബത്തിൽപെട്ടവരാണെന്നാണ് മാധ്യമറിപ്പോർട്ടുകൾ.
സുഹൃത്തുമായി പബ്ബിൽ എത്തിയ പെൺകുട്ടിയാണ് പീഡനത്തിന് ഇരയായത്. ഇതിനിടെ സുഹൃത്ത് മടങ്ങുകയും ഈ സമയത്ത് വീട്ടിലെത്തിക്കാമെന്ന് വാഗ്ദാനം നൽകിയുമായിരുന്നു കാറിൽ കയറ്റിയത്. തുടർന്ന് ജൂബിലി ഹിൽസിലുള്ള ആളൊഴിഞ്ഞ പ്രദേശത്തേക്ക് കൊണ്ട് പോയി പീഡിപ്പക്കുകയായിരുന്നു.
അഞ്ച് ആൺകുട്ടികൾ ചേർന്ന് പെൺകുട്ടിയെ മാറിമാറി ബലാത്സംഗം ചെയ്യുകയും മറ്റുള്ളവർ കാറിന് പുറത്ത് കാവൽ നിൽക്കുകയും ചെയ്തു.
പെൺകുട്ടിയുടെ കഴുത്തിലെ പാട് ശ്രദ്ധയിൽപെട്ട പിതാവ് ഇതിനേക്കുറിച്ച് ചോദിച്ചപ്പോഴാണ് സംഭവത്തേക്കുറിച്ച് പറയുന്നത്. പബ്ബിൽ നിന്നും പുറത്തിറങ്ങിയപ്പോൾ തന്നെ ചില ആൺകുട്ടികൾ ചേർന്ന് പീഡിപ്പിക്കുകയായിരുന്നുവെന്നാണ് പിതാവിനോട് പറഞ്ഞത്.