യുഎഇ: ഹിജ്റ വര്‍ഷാരംഭം പ്രമാണിച്ച് യുഎഇയിലെ എല്ലാ സ്വകാര്യ മേഖലാ ജീവനക്കാര്‍ക്കും അവധി പ്രഖ്യാപിച്ചു. ശമ്പളത്തോട് കൂടിയ ഔദ്യോഗിക അവധിയാണ് പ്രഖ്യാപിച്ചിരിക്കുന്നത്. ജൂലൈ 30 ശനിയാഴ്ച യാണ് അവധി. പൊതു, സ്വകാര്യ മേഖലകള്‍ക്ക് 2021ലും 2022ലും ഔദ്യോഗിക അവധി ദിവസങ്ങള്‍ നൽകിയിരുന്നു ഇതുപോലെ ഈ വർഷവും അവധി നൽകണമെന്ന് യുഇഎ ക്യാബിനറ്റിന്റെ തീരുമാനത്തിന് അനുസൃതമായാണ് പുതിയ തീരുമാനം എത്തിയിരിക്കുന്നത്.
മുഹറം ഒന്നാം തീയ്യതിയാണ് ഹിജ്റ കലണ്ടര്‍ പ്രകാരം ഇസ്ലാമിക പുതുവർഷം ആരംഭിക്കുന്നത്. ഹജ്ജ് കര്‍മം നടക്കുന്നത് ഹിജ്ജ്റ മാസത്തിൽ ആണ്. ദുല്‍ഹജ്ജ് പൂര്‍ത്തിയാകുന്നതോടെ ഹിജ്റ വര്‍ഷം 1443 അവസാനിക്കും. തുടർന്ന് മുഹറം 1444 വർഷം ആരംഭിക്കും. ദുബായിൽ മാത്രമല്ല മറ്റു ജിസിസി രാജ്യങ്ങളിലും അവധി പ്രഖ്യാപിക്കുന്ന പതിവുണ്ട്. ഈ വർഷവും ഉണ്ടായിരിക്കും.
അതേസമയം കുവെെറ്റിൽ പൊതുമേഖലയ്ക്ക് ജൂലൈ 31 ഞായറാഴ്ച അവധിയായിരിക്കും എന്ന് കഴിഞ്ഞ ദിവസം അധികൃതർ പ്രഖ്യാപനം എത്തിയിരുന്നു. രാജ്യത്തെ എല്ലാ മന്ത്രാലയങ്ങള്‍ക്കും സര്‍ക്കാര്‍ ഏജന്‍സികള്‍ക്കും പൊതുമേഖല സ്ഥാപനങ്ങൾക്കും അന്ന് അവധിയായിരിക്കും. കുവെെറ്റ് സിവില്‍ സര്‍വീസ് കമ്മീഷന്‍ ഇതുമായി ബന്ധപ്പെട്ട കാര്യങ്ങൾ അറിയിച്ചിരിക്കുന്നത്. അവധിക്ക് ശേഷം ഓഗസ്റ്റ് ഒന്ന് തിങ്കളാഴ്ച എല്ലാ ഓഫീസുകളും തുറന്ന് പ്രവർത്തിക്കും. കുവെെറ്റിലെ കൂടാതെ ഒമാനിലും അവധി പ്രഖ്യാപിച്ചിട്ടുണ്ട്. ജൂലൈ 31ന് തന്നെയാണ് അവധി പ്രഖ്യാപിച്ചിരിക്കുന്നത്. രാജ്യത്തെ പൊതു, സ്വകാര്യ മേഖകളിലെ കമ്പനികളിലും സ്ഥാപനങ്ങളിലും ജോലി ചെയ്യുന്നവര്‍ക്ക് അവധി ബാധകമായിരിക്കും. ഔദ്യോഗിക വാര്‍ത്താ ഏജന്‍സിയാണ് ഇതുമായി ബന്ധപ്പെട്ട കാര്യങ്ങൾ പുറത്തുവിട്ടത്.