ബഹ്റെെൻ: ഈ മാസം 27 മുതൽ രാജ്യത്ത് കാലാവസ്ഥയിൽ വലിയ മാറ്റം വരുമെന്ന് കാലാവസ്ഥ പ്രവചനം. ഇടക്കിടെ മഴക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ വകുപ്പ് മുന്നറിയിപ്പ് നൽകിയിരിക്കുന്നത്. പല സ്ഥലങ്ങളിലും ഇടിമിന്നലോട് കൂടിയ മഴക്ക് സാധ്യതയുണ്ട്. വ്യാഴം, വെള്ളി ദിവസങ്ങളിൽ ശക്തമായ മഴക്ക് രാജ്യത്ത് സാധ്യതയുണ്ടെന്നാണ് മുന്നറിയിപ്പ്. സ്വദേശികളും വിദേശികളും ജാഗ്രത പാലിക്കണമെന്ന് മുന്നറിയിപ്പ് നൽകിയിട്ടുണ്ട്.
അറബിക്കടലിന്റെ തെക്ക് രൂപം കൊള്ളുന്ന ന്യൂനമർദം ശക്തമായ മഴക്കും ഉയർന്ന തിരമാലകളും ഉണ്ടാക്കാൻ സാധിക്കും. ശക്തമായ മഴയും ഇടിമിന്നും ഉണ്ടാക്കുന്ന സാഹചര്യത്തിൽ കടലിൽ പോകുന്നവർ ജാഗ്രത പാലിക്കാനും നിർദേശിച്ചിട്ടുണ്ട്. താപനിലയും ഉപരിതല ഈർപ്പവും വലിയ തോതിൽ ഉയരും. വരും ദിവസങ്ങളിൽ കാറ്റ് വടക്കുപടിഞ്ഞാറ് ഭാഗത്തേക്ക് മാറുമെന്നും പകൽസമയങ്ങളിൽ ശക്തമായ കാറ്റ് ഉണ്ടായിരിക്കുമെന്ന് എല്ലാവരും ജാഗ്രത പാലിക്കണമെന്നും കാലാവസ്ഥ വകുപ്പ് പുറത്തിറക്കിയ അറിയിപ്പിൽ പറയുന്നു.
അതേസമയം, വിലക്കുറവിൽ ലഭിച്ചിരുന്ന സാന്‍റ്വിച്ചുകൾ രാജ്യത്ത് വലിയ വിലയാണ് ഇപ്പോൾ ഈടാക്കുന്നതെന്ന് പൊതുജനാഭിപ്രായം ഉയരുന്നതായി റിപ്പോർട്ട്. സാധരണക്കാർ കൂടുതലായി കഴിക്കാൻ എടുത്തിരുന്ന സാന്‍റ്വിച്ചുകൾക്കാണ് ഉയർന്ന വില ഈടാക്കിയിരിക്കുന്നത്. ലിവർ സാന്‍റ് വിച്ചിന് 350 മുതൽ 400 ഫിൽസ് വരെ വലിയ പല സ്ഥലങ്ങളിലും ഈടാക്കുന്നുണ്ട്. 300 ഫിൽസായി ആണ് വില ഉണ്ടായിരുന്നത്. ഇത് ആണ് വലിയ വില ഉയർത്തി ഇപ്പോൾ വിൽപ്പന നടത്തുന്നത്.