പത്തനംതിട്ട: അടൂര്‍ ഏനാത്ത് വെച്ച് കാറുകൾ കൂട്ടിയിടിച്ചുണ്ടായ അപകടത്തിൽ രണ്ട് പേർ മരിച്ചു. മടവൂര്‍ സ്വദേശി രാജശേഖര ഭട്ടതിരി, ഭാര്യ ശോഭ എന്നിവരാണ് മരിച്ചത്. ബുധനാഴ്ച രാവിലെ 6.30ഓടെയാണ് അപകടം.
ഇവരുടെ മകൻ നിഖിലിന് ഗുരുതരമായി പരിക്കേറ്റു. നിഖിലിനെ കോട്ടയം മെഡില്‍ കോളജ് ആശുപത്രയില്‍ പ്രവേശിപ്പിച്ചു. തിരുവനന്തപുരത്തുനിന്ന് കണ്ണൂരിലേക്ക്പോകുകയായിരുന്ന കാറും എതിര്‍ദിശയില്‍ നിന്നു വന്ന കാറുമാണ് കൂട്ടിയിടിച്ചത്.
തിരുവനന്തപുരത്തുനിന്ന് വരികയായിരുന്ന കാറില്‍ ഉണ്ടായിരുന്നവരാണ് മരിച്ചത്. എതിര്‍ദിശയില്‍ വന്ന കാറില്‍ ഉണ്ടായിരുന്ന നാല് യാത്രക്കാര്‍ക്ക് പരിക്കേറ്റിട്ടുണ്ട്.