സംഘടനാ പരിപാടികളില്‍ പങ്കെടുക്കുന്നതിനാണ് മോഹന്‍ ഭാഗവത് കേരളത്തിലെത്തുന്നത്. ഇന്ന് ഉച്ചയോടെ തിരുവനന്തപുരത്തെത്തുന്ന അദ്ദേഹം കൊല്ലം അമൃതപുരിയിലെത്തി മാതാ അമൃതാനന്ദമയീദേവിയെ സന്ദര്‍ശിക്കും.
ഇന്ന് രാത്രി കൊച്ചിയിലെ ആര്‍എസ്‌എസ് പ്രാന്ത കാര്യാലയത്തിലെത്തുന്ന സര്‍സംഘചാലക് നാളെ രാവിലെ 8 മണിയ്‌ക്ക് തൃശ്ശൂര്‍ ശങ്കരമഠത്തിലേയ്‌ക്ക് പോകും. 16,17,18 തിയതികളില്‍ തൃശ്ശൂര്‍ ജില്ലയില്‍ വിവിധ പരിപാടികളില്‍ അദ്ദേഹം പങ്കെടുക്കും. വ്യത്യസ്ത മേഖലയിലെ പ്രമുഖരുമായി മോഹന്‍ ഭാഗവത് കൂടിക്കാഴ്ച നടത്തുന്നുണ്ട്.
18-ന് രാവിലെ മുതല്‍ ഗുരുവായൂര്‍ രാധേയം ഓഡിറ്റോറിയത്തില്‍ ചേരുന്ന ആര്‍എസ്‌എസ് ബൈഠക്കില്‍ പങ്കെടുക്കും. വൈകിട്ട് 5 മണിയ്‌ക്ക് ഗുരുവായൂര്‍ ശ്രീകൃഷ്ണ കോളേജ് ഗ്രൗണ്ടില്‍ ഗുരുവായൂര്‍ സംഘജില്ലയിലെ പൂര്‍ണഗവേഷണധാരികളായ പ്രവര്‍ത്തകരുടെ സാംഘിക്കില്‍ പങ്കെടുത്ത് സംസാരിക്കും.