ചണ്ഡീഗഡ് : ഹോസ്റ്റലിലെ പെൺകുട്ടികളുടെ ശുചിമുറി ദൃശ്യങ്ങൾ ചോർത്തിയ സംഭവത്തിൽ ഹോസ്റ്റൽ അന്തേവാസിയായ മറ്റൊരു പെൺകുട്ടി പിടിയിലായി. സംഭവത്തെ തുടർന്ന് വ്യാപക സംഘർഷമുണ്ടായി. അർദ്ധരാത്രിയിൽ സർവകലാശാലയിൽ ആരംഭിച്ച പ്രതിഷേധം ഇപ്പോഴും തുടരുന്നുണ്ട്.
സംഭവത്തിൽ കേസ് എടുത്ത പോലീസ് ഒന്നാം വർഷ വിദ്യാർഥിനിയെ അറസ്റ്റ് ചെയ്തു. 60 പെൺകുട്ടികളുടെ ശുചിമുറി ദൃശ്യങ്ങളാണ് പെൺകുട്ടി ചോർത്തി ഷിംലയിലുള്ള ആൺസുഹൃത്തിന് കൊടുത്തത്. ദൃശ്യങ്ങൾ ചോർന്നതോടെ എട്ട് കുട്ടികൾ ആത്മഹത്യക്ക് ശ്രമിച്ചിരുന്നു. ഇവരിൽ ഒരാളുടെ നില ഗുരുതരമായി തുടരുകയാണ് ഇപ്പോഴും. ലഭ്യമായ ദൃശ്യങ്ങൾ ആൺകുട്ടി സാമൂഹ്യമാധ്യമങ്ങളിൽ പോസ്റ്റ് ചെയുകയും ചെയ്തു.