കൊച്ചി: കൊച്ചി തീരത്തെ ഇറാനിയൻ ബോട്ടിൽ നിന്നും 200 കിലോ ഹെറോയിൻ പിടികൂടി. ബോട്ടിൽ ഉണ്ടായിരുന്ന ആറ് പേരെ നാർകോട്ടിക് കൺട്രോൺ ബ്യൂറോ കസ്റ്റംസ് കസ്റ്റഡിയിലെടുത്തു. പിടിയിലായവരെല്ലാം ഇറാൻ, പാകിസ്ഥാൻ പൗരന്മാരാണ്. ബുധനാഴ്ച രാത്രിയാണ് ബോട്ടിൽ പരിശോധന നടത്തിയത്. രഹസ്യവിവരത്തെ തുടർന്ന് നാവിക സേനയും നാർകോട്ടിക് കൺട്രോൾ ബ്യൂറോയുമാണ് ഇറാനിയൻ ബോട്ടിൽ പരിശോധന നടത്തിയത്. നാവിക സേനയുടെ സഹായത്തോടെയാണ് എൻസിബി പരിശോധന നടത്തിയത്. പിടിയിലായവരെ നാവിക സേന കോസ്റ്റൽ പോലീസിന് കൈമാറും. ബോട്ട് മട്ടാഞ്ചേരിയിൽ എത്തിച്ചു. പിടിച്ചെടുത്ത ലഹരി വസ്തുക്കളും പിടിയിലായവരെയും നാവിക സേന കോസ്റ്റൽ പോലീസിന് കൈമാറുമെന്ന് അറിയിച്ചു. അറബിക്കടലിലൂടെ ഇറാനിയൻ ബോട്ടിൽ ലഹരി വസ്തുക്കൾ കടത്തുന്നുവെന്ന രഹസ്യ വിവരം ലഭിച്ചതിനെ തുടർന്ന് നടത്തിയ പരിശോധനയിലാണ് ബോട്ട് പിടികൂടിയത്.