തിരുവനന്തപുരം: ഹിന്ദി ഭാഷ അടിച്ചേല്പ്പിക്കാനുള്ള കേന്ദ്ര സര്ക്കാരിന്റെ നീക്കം അംഗീകരിക്കാനാകില്ലെന്ന് പ്രതിപക്ഷ നേതാവ് വിഡി സതീശൻ. പരീക്ഷകള് പൂര്ണമായും ഹിന്ദിയിലാക്കുന്നത് രാജ്യത്തെ വലിയൊരു വിഭാഗം യുവതീ യുവാക്കളുടെ ഭാവിയെത്തന്നെ തകര്ത്തു കളയുമെന്നും അദ്ദേഹം പറഞ്ഞു. തൊഴില് അന്വേഷകരുടെ സ്വപ്നങ്ങള്ക്ക് മേല് കരിനിഴല് വീഴുമെന്നും അദ്ദേഹം കൂട്ടിച്ചേർത്തു.