ഷാർജ: ഷാർജ ആസ്ഥാനമായി പ്രവർത്തിക്കുന്ന ബജറ്റ് എയര്‍ലൈനായ എയര്‍ അറേബ്യ യാത്രക്കാര്‍ക്കായി പുതിയ ഓഫറുമായി രംഗത്തെത്തി. രണ്ട് പേർക്കാണ് ഈ ഓഫർ ലഭിക്കുക. അബുദാബിയില്‍ നടക്കുന്ന എയര്‍ എക്സ്പോ സന്ദര്‍ശിക്കുന്നവര്‍ക്കാണ് ഇതിനുള്ള അവസരം ലഭിക്കുന്നത്. ചെയ്യേണ്ടത് ഇത്രമാത്രം, എയര്‍ എക്സ്പോയിലെ എയര്‍ അറേബ്യയുടെ A310 ബൂത്തിലെത്തുന്നവര്‍ ബിസിനസ് കാര്‍ഡുകള്‍ അവിടെ പ്രത്യേകം തയ്യാറാക്കിയ സ്ഥലത്ത് നിക്ഷേപിക്കുക. ഇവിടെ സന്ദർഷിക്കുന്ന എല്ലാവരേയും ഉൾപെടുത്തി കൊണ്ടായിരിക്കും നറുക്കെടുപ്പ് നടത്തുക. നറുക്കെടുപ്പിൽ തെരഞ്ഞെടുക്കുന്ന അഞ്ച് പേർക്ക് ആയിരിക്കും വിമാന ടിക്കറ്റുകള്‍ സൗജന്യമായി ലഭിക്കുക. എയര്‍ അറേബ്യ ആണ് ഇക്കാര്യം അറിയിച്ചത്. എയര്‍ എക്സ്പോയുടെ പത്താമത് എഡിഷന്‍ അല്‍ ബതീന്‍ എക്സിക്യൂട്ടീവ് എയര്‍പോര്‍ട്ടില്‍ ആണ് നടക്കുന്നത്. നവംബര്‍ ഒന്ന് മുതല്‍ മൂന്ന് വരെയാണ് എയര്‍ എക്സ്പോ നടക്കുന്നത്. കൊവിഡ് പ്രതിസന്ധിച്ച് ശേഷം ആദ്യമായാണ് ഇത്തരത്തിൽ വിപുലമായി എയർ എക്സ്പേ നടക്കുന്നത്. നാല് വര്‍ഷങ്ങള്‍ക്ക് ശേഷമാണ് വലിയ പരിപാടി നടക്കുന്നത്. രണ്ടായിരം പ്രതിനിധികളെ ആണ് എക്സ്പോയിൽ പ്രതീക്ഷിക്കുന്നത്.