✍️ ജോവാൻ മധുമല
പൾസർ എൻ എസ് ബൈക്കിൽ എംഡിഎംഐ കടത്തിക്കൊണ്ടുവന്നത് പിടികൂടിയതുമായി ബന്ധപ്പെട്ട് പാമ്പാടി എക്സൈസ് രജിസ്റ്റർ ചെയ്ത കേസിൽ ഒളിവിൽ പോയ നിരവധി ക്രിമിനൽ / നർകോട്ടിക് കേസുകളിൽ പ്രതിയായ ചങ്ങനാശ്ശേരി താലൂക്കിൽ വാകത്താനം വില്ലേജിൽ വാകത്താനം കരയിൽ കാലായിൽ പുരയിടത്തിൽ വീട്ടിൽ കുഞ്ഞു കുഞ്ഞാപ്പി മകൻ ആമോസ് എന്ന് വിളിക്കുന്നഷിജോ P മാത്യു( 32 വയസ്സ്) എന്ന ആളെയാണ് പാമ്പാടി റെയിഞ്ച് ഇൻസ്പെക്ടർ ശ്രീ
പി ജെ ടോംസിയുടെ നേതൃത്വത്തിലുള്ള എക്സൈസ് ടീം അറസ്റ്റ് ചെയ്തത്.
2022 നവംബർ മാസം 4 തീയതി, രാവിലെ 7 30ന് മണർകാട് മാലം കള്ളുഷാപ്പിന് സമീപത്തു വച്ചായിരുന്നു കേസിനാസ്പദമായ സംഭവം നടന്നത്.
KL46T841 നമ്പറിലുള്ള പൾസർ എൻ എസ് ബൈക്കിൽ രണ്ടുപേർ ചേർന്ന് എംഡി എം എ കടത്തിക്കൊണ്ടു വരുന്നതായി രഹസ്യ വിവരം ലഭിച്ച അടിസ്ഥാനത്തിൽ പാമ്പാടി റെയിഞ്ച് എക്സൈസ് ടീം പരിശോധന നടത്തുകയായിരുന്നു. വിൽപ്പന നടത്താൻ ഇവർ കടത്തിക്കൊണ്ടുവന്ന 400mg MDMA യും കഞ്ചാവും ഈ കേസിലെ ഒന്നാംപ്രതി സന്ദീപില്‍ നിന്നും പിടി കൂടവേ ആമോസ് സംഭവ സ്ഥലത്തുനിന്നും ഓടി രക്ഷപ്പെടുകയും ഒളിവിൽ പോകുകയും ആയിരുന്നു . ഇയാൾ ഇടുക്കി ജില്ലയിലെ കൊക്കയർ ഭാഗത്തുള്ള ഭാഗത്ത് ഉള്ളതായി വിവരം ലഭിച്ചതിന്റെ അടിസ്ഥാനത്തിൽ പാമ്പാടി റെയിഞ്ച് അസിസ്റ്റന്റ് എക്സൈസ് ഇൻസ്പെക്ടർ റും എക്സൈസ് കമ്മിഷണർ സ്‌ക്വാഡ് അംഗവുമായ ഫിലിപ്പ് തോമസിന്റെ നേതൃത്വത്തി പ്രിവന്റ് ഓഫീസർ ആനന്ദരാജ്, എക്സൈസ് കമ്മീഷണർ സ്‌ക്വാഡ് അംഗം കെ എൻ സുരേഷ്, സിവിൽ എക്സൈസ് ഓഫീസർ അഭിലാഷ് CA,എന്നിവർ ഈ പ്രദേശം കേന്ദ്രീകരിച്ച് ദിവസങ്ങളായി നടത്തിയ അന്വേഷണത്തിൽ ഒടുവിലാണ് ഇയാളെ കുറിച്ച് വിവരങ്ങൾ ലഭിക്കുന്നത്. പാമ്പാടി റെയിഞ്ച് എക്സൈസ് ഇൻസ്പെക്ടർ ശ്രീ പിജെ ടോംസിയുടെ നേതൃത്വത്തിൽ, സിവിൽ എക്സൈസ് ഓഫീസർമാരായ ഷെബിൻ Tമർക്കോസ്, ധനുരാജ്,അഖിൽ ശേഖർ, വനിത സിവിൽ എക്സൈസ് ഓഫീസർ സിനി ജോൺ, ഡ്രൈവർ സോജി എന്നിവർ അടങ്ങുന്ന സംഘമാണ്.പ്രതിയെ പിടികൂടിയത്.