അർജന്റീന വിജയിച്ചതോടെ സംസ്ഥാനത്ത് ഉടനീളം വ്യാപക സംഘർഷം. കണ്ണൂരിൽ മൂന്ന് പേർക്ക് വെട്ടേറ്റു. അനുരാഗ്, ആദർശ്, അലക്സ് എന്നിവർക്കാണ് സംഘർഷത്തിൽ വെട്ടേറ്റത്.
പള്ളിയാൻമൂലയിൽ ഇന്നലെ രാത്രിയിലാണ് സംഭവം. മൂന്നു പേരും ആശുപത്രിയിൽ ചികിത്സയിലാണ്. അനുരാഗിന്റെ ആരോഗ്യനില ഗുരുതരമാണെന്നാണ് അറിയാൻ കഴിയുന്നത്. സംഭവത്തിൽ ആറ് പേരെ ടൗൺ പോലീസ് കസ്റ്റഡിയിൽ എടുത്തിട്ടുണ്ട്.
എറണാകുളം, തിരുവനന്തപുരം ജില്ലകളിലും സംഘർഷമുണ്ടായി. സംഭവത്തിൽ പോലീസുകാർക്ക് ഗുരുതരമായ പരിക്കേൽക്കേണ്ടി വരികയും ചെയ്തു. തിരുവനന്തപുരം പൊഴിയൂരിൽ എസ് ഐക്കാണ് മർദനമേറ്റത്. കൊച്ചിയിൽ കലൂരിൽവെച്ച് നടുറോഡിലാണ് സംഘർഷം ഉണ്ടായത്. കലൂർ സ്റ്റേഡിയം പരിസരത്ത് നിന്നവർ അഴിച്ചുവിട്ട ആക്രമണത്തിലും പോലീസുകാർക്ക് പരിക്ക് പറ്റിയിട്ടുണ്ട്