ആലപ്പുഴ കലവൂർ എ എൻ കോളനിയിൽ അരുൺ (മൊട്ട-28), മണ്ണഞ്ചേരി മണിമല വീട്ടിൽ നിജാസ് (തട്ട്-27) എന്നിവരെയാണ് ആലപ്പുഴ സൗത്ത് പൊലീസ് അറസ്റ്റ് ചെയ്തത്.
സ്വകാര്യസ്ഥാപനത്തിലെ ജീവനക്കാരനായ കൈനകരി സ്വദേശിയാണ് കവർച്ചയ്ക്ക് ഇരയായത്.
ഇയാൾ ജോലികഴിഞ്ഞ് രാത്രി ബൈക്കിൽ വീട്ടിലേക്ക് പോകവേ ആലപ്പുഴ എസ് ഡി കോളേജിന് മുൻവശത്തുവച്ച് ബൈക്കിൽ ലിഫ്റ്റ് ചോദിച്ച് കയറിയ മോഷ്ടാക്കൾ ചങ്ങനാശ്ശേരി ജങ്ഷന് കിഴക്ക് വശത്ത് വച്ച് കഴുത്തിന് ചുറ്റിപിടിച്ച് മർദിക്കുകയായിരുന്നു.
പിന്നീട്കൈവശമുണ്ടായിരുന്ന പേഴ്സ് ബലമായി പിടിച്ചുവാങ്ങി 2400 രൂപ കവർന്നു.
ബൈക്കിന്റെ താക്കോൽ ഊരി മുതുകിൽ കുത്തി പരിക്കേൽപിച്ചു.
പരാതിയുടെ അടിസ്ഥാനത്തിൽ പോലീസ് കേസെടുത്ത് നടത്തിയ അന്വേഷണത്തിലാണ് പ്രതികളെ പിടികൂടിയത്.
സൗത്ത് സി ഐ എസ്.അരുൺ, എസ് ഐമാരായ കെ.ആർ. ബിജു, ചന്ദ്രബാബു, സീനിയർ സി പി ഒമാരായ വിപിൻദാസ്, ബിനോജ്, കെ ടി സജീവ്,അനസ്,വികാസ് എന്നിവരുടെ നേതൃത്വത്തിലുള്ള സംഘമാണ് മോഷ്ടാക്കളെ പിടികൂടിയത്.
കോടതിയിൽ ഹാജരാക്കിയ പ്രതികളെ റിമാന്റ് ചെയ്തു.