.webp)
കോഴിക്കോട്: മുസ്ലീം ലീഗിന്റെ പലസ്തീൻ ഐക്യദാർഢ്യം നടക്കുന്നതിനിടെ പ്രവർത്തകർ കർശന നിർദേശങ്ങളാണ് നൽകിയിരിക്കുന്നത്. പലസ്തീന്‍ ജനതക്ക് ഐക്യദാര്‍ഡ്യവുമായി മനുഷ്യാവകാശ റാലി ഇന്ന് നടക്കുന്നത്. റാലിയിൽ പങ്കെടുക്കുന്ന പ്രവർത്തകർ മുസ്ലീം ലീഗിന്റെ പാതക മാത്രമേ ഉപയോഗിക്കാവൂയെന്ന കർശന നിർദേശം മുസ്ലീം ലീഗ് പുറത്തുവിട്ടിട്ടുണ്ട്. ലീഗ് സംസ്ഥാന കമ്മിറ്റി അംഗീകരിച്ച മുദ്രാവാക്യങ്ങള്‍ മാത്രമേ റാലിയിൽ വിളിക്കാൻ പാടുള്ളൂവെന്ന നിർദേശവും പ്രവർത്തകർക്ക് നൽകിയിട്ടുണ്ട്.എല്ലാ വാഹനവും രണ്ട് മണിക്കുമുമ്പായി കോഴിക്കോട് നഗരത്തിൽ പ്രവേശിക്കണമെന്ന നിർദേശവും പ്രവർത്തകർക്ക് മുസ്ലീം ലീഗ് നൽകിയിട്ടുണ്ട്. പോലീസ് നൽകിയ നിർദേശപ്രകാരമാണ് മുസ്ലീം ലീഗിന്റെ ജാഗ്രത. സംസ്ഥാന കമ്മിറ്റി ഡിസൈന്‍ ചെയ്ത് നല്‍കുന്ന പ്ലക്കാര്‍ഡുകളാണ് ഉപയോഗിക്കേണ്ടത്. വേഷത്തിലും പെരുമാറ്റത്തിലും അച്ചടക്കം പാലിക്കണം. പ്രവർത്തകർ വരുന്ന വാഹനങ്ങളിൽ ബാനറുകളും കൊടികളും പതിക്കണം.