യുകെ: യുകെയിലെ കുടിയേറ്റ നിയമങ്ങളിൽ സമീപകാലത്ത് വലിയ മാറ്റം ആണ് ഉണ്ടായിരിക്കുന്നത്. പ്രധാന മന്ത്രി ഋഷി സുനകും ഹോം സെക്രട്ടറി ജയിംസ് ക്ലെവർലിയും പ്രഖ്യാപിച്ച കുടിയേറ്റ നയങ്ങളിലെ മാറ്റങ്ങൾ ഉൾപ്പെടുത്തിയുള്ള ഫാക്ട് ഷീറ്റ് പുറത്തുവിട്ട് ഹോം ഓഫീസ്. മാറ്റങ്ങൾ എപ്പോൾ നിലവിൽ വരും എന്നത് ഉൾപ്പടെയുള്ള കാര്യങ്ങൾ ആണ് ഇതിൽ പറയുന്നത്. ഏപ്രിൽ മുതലായിരിക്കും കുടിയേറ്റ നിയമത്തിലെ മാറ്റങ്ങൾ പ്രാബല്യത്തിൽ വരിക.കെയര്‍ വര്‍ക്കര്‍, സീനിയർ കെയർ വർക്കർ എന്നിവർ യുകെയിലേക്ക് ആശ്രിതരെ കൊണ്ടുവരുന്നത് വിലക്ക് ഉണ്ടായിരിക്കും. സ്‌കില്‍ഡ് വര്‍ക്കര്‍ വിസയുടെ വാർഷിക വരുമാനത്തിൽ മാറ്റം ഉണ്ടായിരിക്കും. 38,700 പൗണ്ടായി ഉയര്‍ത്താനുള്ള പദ്ധതിയാണ് വരുന്നത്. ഏപ്രിൽ മുതൽ 38,700 പൗണ്ടായി ഒറ്റയടിക്ക് വരുമാന പരിധി ഉയർത്തില്ല. മൂന്ന് ഘട്ടങ്ങളായി ആകും പരിതി ഉയർത്തുക. എൻഎച്ച്എസിൽ ഹെല്‍ത്ത് കെയര്‍ വിസക്കായി ശ്രമിക്കുന്നവര്‍ക്ക് ശമ്പള പരിധി വര്‍ധനവിൽ നിന്നും ഇളവ് നല്‍കും.