കേദാർനാഥ്, ബദരീനാഥ്, യമുനോത്രി, ഗംഗോത്രി എന്നീ നാല് ക്ഷേത്രങ്ങളിലേക്ക് നടത്തുന്ന തീർത്ഥാടനം ആണ് ചാർധാം യാത്ര. ഞായറാഴ്ച പുലർച്ചെ നാലുമണിയോടെ ആയിരുന്നു ശൈത്യകാല ഇടവേളയ്ക്ക് ശേഷം ബദരീനാഥ് ക്ഷേത്രത്തിൽ ചടങ്ങുകൾ ആരംഭിച്ചത്. പൂജകൾക്ക് ശേഷം രാവിലെ ആറുമണിക്ക് ക്ഷേത്രനട തുറന്നു. പുഷ്പാലംകൃതമായി പൂജകളുടെയും മന്ത്രോച്ചാരണങ്ങളുടെയും നിറവിൽ ആയിരുന്നു ബദരീനാഥ് ക്ഷേത്രം ഭക്തരെ വരവേറ്റത്.
ബദരീനാഥ് ക്ഷേത്രം ആറുമാസത്തെ ഇടവേളയ്ക്ക് ശേഷം തുറക്കുമ്പോൾ ശനിയാഴ്ച വരെയുള്ള കണക്കനുസരിച്ച് ചാർധാം യാത്രയ്ക്കായി 23 ലക്ഷത്തിലധികം പേരായിരുന്നു മുൻകൂട്ടി ഓൺലൈൻ വഴി രജിസ്റ്റർ ചെയ്തിരുന്നത്. കഴിഞ്ഞവർഷത്തെ ചാർധാം യാത്രയിൽ 20 ലക്ഷത്തിലേറെ പേർ തീർത്ഥാടനം നടത്തിയിരുന്നു.