നിയോജക മണ്ഡലങ്ങളുടെ വികസനത്തിന് ഫണ്ട് ആവശ്യമുള്ളതിനാല്‍ അവര്‍ നിയമസഭ സമ്മേളനം തീരുന്നത് വരെ കാത്തിരിക്കും. അതിന് പിന്നാലെ അവര്‍ തിരിച്ചെത്തുമെന്നും ശരദ് പവാറിന്റെ ചെറുമകന്‍ കൂടിയായ രോഹിത് പവാര്‍ പറഞ്ഞു. പാര്‍ട്ടിയുമായി ബന്ധം പുലര്‍ത്തുന്ന 19 എംഎല്‍എമാരുണ്ട്. അവരില്‍ ആരെയൊക്കെ തിരിച്ചെടുക്കണമെന്ന കാര്യത്തില്‍ ശരദ് പവാറും മുതിര്‍ന്ന നേതാക്കളും തീരുമാനമെടുക്കുമെന്നും രോഹിത് പറഞ്ഞു.
2019ലെ നിയമസഭാ തെരഞ്ഞെടുപ്പില്‍ 288 സീറ്റുകളില്‍ 54 സീറ്റുകളില്‍ എന്‍സിപി വിജയിച്ചിരുന്നു. പാര്‍ട്ടി പിളര്‍ന്നപ്പോള്‍ 40 ഓളം എംഎല്‍എമാര്‍ അജിത് പവാറിനൊപ്പം പോയി. നിയമസഭയുടെ വര്‍ഷകാല സമ്മേളനം ജൂണ്‍ 27 ന് ആരംഭിച്ച് ജൂലൈ 12 ന് അവസാനിക്കും. ഒക്ടോബറില്‍ നടക്കാനിരിക്കുന്ന നിയമസഭാ തെരഞ്ഞെടുപ്പിന് മുമ്പുള്ള അവസാന സമ്മേളനമാണിത്.