യാത്രക്കാരുടെ തിരക്കു പരിഗണിച്ചു കൊച്ചുവേളി–മംഗളൂരു സ്പെഷൽ ട്രെയിൻ സർവീസ് നീട്ടി.സെപ്റ്റംബർ 28 വരെയാണ് നീട്ടിയത് . 06041 മംഗളൂരു ജംഗ്‌ഷൻ–കൊച്ചുവേളി സ്പെഷ്യൽ വ്യാഴം, ശനി ദിവസങ്ങളിൽ രാത്രി 7.30-ന് പുറപ്പെട്ട് പിറ്റേ ദിവസം രാവിലെ 8-ന് കൊച്ചുവേളിയിലെത്തും.തിരിച്ച് വെള്ളി, ഞായർ ദിവസങ്ങളിൽ (06042) വൈകിട്ട് 6.40നു കൊച്ചുവേളിയിൽ നിന്നു പുറപ്പെട്ടു പിറ്റേന്ന് രാവിലെ 7 മണിക്ക് മംഗളൂരുവിലെത്തും. കൊല്ലം, കായംകുളം, ആലപ്പുഴ, എറണാകുളം, ആലുവ, തൃശൂർ, ഷൊർണൂർ, തിരൂർ, കോഴിക്കോട്, വടകര, തലശേരി, കണ്ണൂർ, പയ്യന്നൂർ, കാഞ്ഞങ്ങാട്, കാസർകോട് എന്നിവിടങ്ങളിൽ സ്റ്റോപ്പുകളുണ്ട്.