താഴത്തങ്ങാടി : കോട്ടയം താഴത്തങ്ങാടി മത്സരവള്ളംകളി 16നു താഴത്തങ്ങാടി ആറ്റിൽ നടക്കും. ചാംപ്യൻസ് ബോട്ട് ലീഗ് മത്സരങ്ങളുടെ അറിയിപ്പ് ലഭിച്ചതിനെത്തുടർന്നാണ് കോട്ടയം മത്സരവള്ളംകളി 16നു നടത്താൻ തീരുമാനിച്ചതെന്നു സംഘാടകർ അറിയിച്ചു. നെഹ്റു ട്രോഫി മത്സരത്തിൽ ആദ്യസ്ഥാനങ്ങളിൽ എത്തിയ 9 ചുണ്ടൻ വള്ളങ്ങളെയും 30ൽ പരം ചെറുവള്ളങ്ങളെയും ഉൾപ്പെടുത്തിയായിരിക്കും വള്ളംകളി സംഘടിപ്പിക്കുന്നത്.
ചെറുവള്ളങ്ങളുടെ റജിസ്ട്രേഷൻ ഇന്നു പുനരാരംഭിക്കും റജിസ്ട്രേഷൻ 10ന് 4ന് അവസാനിക്കും. ചാംപ്യൻസ് ബോട്ട് ലീഗിന്റെ ഉദ്ഘാടന വേദി താഴത്തങ്ങാടി ആയതിനാൽ വിപുലമായ ഒരുക്കങ്ങളാണ് ക്രമീകരിക്കുന്നതെന്നും സംഘാടകരായ കോട്ടയം വെസ്റ്റ് ക്ലബ് ഭാരവാഹികൾ അറിയിച്ചു. വള്ളംകളിയോടനുബന്ധിച്ച് 15നു വഞ്ചിപ്പാട്ട് മത്സരം സംഘടിപ്പിക്കും. സ്മരണിക പ്രകാശനം ചെയ്യും. വിവരങ്ങൾക്ക് ഫോൺ: 9447888156, 9447052184.