കണ്ണൂരില്‍ പൊലീസുകാരനാണെന്ന് പറഞ്ഞ് തട്ടിപ്പ് നടത്തുന്ന യുവാവിനായി തിരച്ചിൽ.കടകളില്‍ കയറി ആള്‍മാറാട്ടം നടത്തിയാണ് യുവാവിന്റെ തട്ടിപ്പ്. പയ്യന്നൂര്‍, പിലാത്തറ ടൗണുകളിലാണ് സംഭവം. ഓട്ടോറിക്ഷയ്ക്ക് നല്‍കാന്‍ പണം വേണമെന്നും ഇപ്പോള്‍ എടുത്തു തരാമെന്നും പറഞ്ഞാണ് കടകളില്‍ നിന്നും പണം തട്ടുന്നത്.പിന്നാലെ ഇയാൾ അപ്രത്യക്ഷനാകുകയും ചെയ്യും.ചെറിയ തുകയാണ് യുവാവ് കൈപ്പറ്റുന്നത്.അതിനാൽ ആരും തന്നെ പരാതി നൽകാൻ തയ്യാറായില്ല.ഇയാള്‍ കടകളില്‍ കയറുന്ന സിസിടിവി ദൃശ്യങ്ങള്‍ പുറത്ത് വന്നിട്ടുണ്ട് . പൊലീസ് അന്വേഷണം ആരംഭിച്ചു.