സിപിഎമ്മില്‍ ഇപ്പോള്‍ സമ്മേളന കാലമാണ്. പതിവു പോലെ ബ്രാഞ്ച് സെക്രട്ടറി സഥാനത്തേക്ക് വനിതകള്‍ എത്തുന്നുമുണ്ട്. സമ്മേളനം ബ്രാഞ്ച് തലം കഴിഞ്ഞതോടെ നേതൃത്വത്തിലേക്ക് സ്ത്രീകള്‍ എത്തുന്നത് കുറഞ്ഞു. എന്നാല്‍ ഇതിനെല്ലാം മറുപടിയായി ഒരു വാര്‍ത്ത എത്തിയിരിക്കുന്നത് ഇടുക്കി രാജക്കാട് നിന്നാണ്. ഇന്നലെ സമാപിച്ച രാജക്കാട് ഏരിയാ സമ്മേളനം സെക്രട്ടറി സ്ഥാനത്തേക്ക് തിരഞ്ഞെടുത്തിരിക്കുന്നത് സുമ സുരേന്ദ്രനെയാണ്. സിപിഎം സംസ്ഥാന സെക്രട്ടറിയേറ്റ് അംഗവും മുന്‍ മന്ത്രിയും ഉടുമ്പന്‍ചോല എംഎല്‍എയുമായ എംഎം മണിയുടെ മകളാണ് സുമ സുരേന്ദ്രന്‍. മണിയാശാന്റെ അനുഗ്രഹാശിസുകളോടെ ആണ് ഈ സ്ഥാനത്ത് സുമ എത്തിയതെന്നും വിമര്‍ശനമുണ്ട്. ഒരു നേതാവിന്റെ മകള്‍ അല്ലാതെ മറ്റാര്‍ക്കും ഈ പദവിയിലേക്ക എത്താന്‍ കഴിയില്ലേ എന്ന ചോദ്യവും ഉയരുന്നുണ്ട്. ഉടുമ്പന്‍ചോല നിയമസഭാ മണ്ഡലത്തിലും സുമ മണിയുടെ പിന്‍ഗാമിയായി എത്തുമെന്ന് ഇപ്പോള്‍ തന്നെ സംസാരമുണ്ട്.