ചിറ്റൂർ ഒഴലപ്പതിയിൽ വീടിനു സമീപം നിർത്തിയിട്ടിരുന്ന പിക്കപ്പ് വാഹനത്തിലാണ് സ്‌ഫോടക വസ്തുക്കൾ കണ്ടെത്തിയത്. എറണാകുളം അയ്യമ്പുഴ സ്വദേശി ജെയിംസ് മാത്തച്ചൻ, തൃശൂർ കോടശേരി സ്വദേശി വിവേക് വിൽസൺ എന്നിവരാണ് പിടിയിലായത്.
14000 ജെലാറ്റിൻ സ്റ്റിക്ക്, 6000 ഡിറ്റൊണേറ്റർ എന്നിവ വാഹനത്തിലുണ്ടായിരുന്നു.
പ്രതികളെയും തൊണ്ടി മുതലും കൊഴിഞ്ഞാമ്പാറ പോലീസിന് കൈമാറി.
പാലക്കാട് എക്സൈസ് സർക്കിൾ ഓഫീസിലെ എക്സൈസ് ഇൻസ്‌പെക്ടർ കെ.എസ്.സജിത്തിന്റെ നേതൃത്വത്തിലാണ് റെയ്ഡ് നടന്നത്. പാർട്ടിയിൽ പാലക്കാട് സ്പെഷ്യൽ സ്‌ക്വാഡിലെ അസിസ്റ്റന്റ് എക്സൈസ് ഇൻസ്‌പെക്ടർ(ഗ്രേഡ്) ജിഷു ജോസഫ്, ഒഴലപ്പതി എക്സൈസ് ചെക്ക്പോസ്റ്റിലെ സിവിൽ എക്സൈസ് ഓഫീസർ എ.അരവിന്ദാക്ഷൻ, പാലക്കാട് എക്സൈസ് റേഞ്ചിലെ സിവിൽ എക്സൈസ് ഓഫീസർ ആർ.ഉണ്ണികൃഷ്ണൻ എന്നിവരുമുണ്ടായിരുന്നു.